Rýhanııat • 23 Sáýir, 2021

Qaıyrymdy ister marafony jalǵasýda

26 ret kórsetildi

Bıylǵy aqpan aıynda Memleket basshysy Qasym-Jomart Toqaevtyń bastamasymen qolǵa alynǵan «Qaıyrymdy ister marafony» jalpyulttyq joba­synyń aıasynda qazaqstandyqtar ótken aptada 600-den astam aksııa men qaıyrymdylyq is-shara uıymdastyrdy. Kún saıyn búkil el boıynsha belsendi azamattar muqtaj adamdarǵa kómektesip, aınalasyndaǵylarǵa jaǵymdy emosııalar syılaýda.

Mysaly, Shymkent qala­syn­daǵy Keńes Odaǵynyń Ba­tyry Sabyr Rahımov atyn­daǵy «Jas ulan» respýb­lı­kalyq mektebiniń kýrsanttary 58 bala tárbıe­lenip jatqan №3 balalar úıinde senbilik ótkizdi. Kýr­santtar balalarmen birge tańerteńgilik jattyǵý jasap, mekemeniń aýmaǵyn tazalap, abattandyrdy. «Biz ata-anasynyń qamqor­lyǵynsyz qalǵan balalardyń bilim alýyna jáne damýyna únemi óz úlesimizdi qosýǵa tyry­samyz», dedi Shymkent qala­syndaǵy «Jas ulan» res­­pýblıkalyq mektebiniń bas­tyǵy, polkovnık Ǵazız Tóleý­shev. Aıta ketý kerek, «Jas ulan» mektebi men bala­lar úıiniń arasyndaǵy dos­tyq qatynas birneshe jyldan beri jalǵasyp keledi. Dás­túr boıynsha jyl saıyn ás­kerı mekteptiń áskerı qyzmet­shi­leri mekemege qoldan kelgenshe kómek kórsetedi.

Jambyl oblysynda Qazaq­stan halqy Assambleıa­sy Analar keńesiniń bas­tama­­symen «Izgilik aıy» qaıy­rymdylyq is-sharalar sıkli jalǵasýda. Halyqtyń osal toptarynan, az qamtylǵan jáne kóp balaly otbasylardan shyqqan balalarǵa arnalǵan qaıyrymdylyq aksııasyn EAEO «Sana sezim» áıelder bastamalarynyń qu­qyqtyq ortalyǵy jáne BUU Balalar qory (IýNISEF) qoldady. Oblystyq Assam­b­leıa janyndaǵy Ana­lar ke­ńesiniń ókili Lola Dav­latova joǵaryda atalǵan qaıy­rym­dylyq uıymdarynyń kóme­gimen 44 balaǵa kómek kór­set­ken­derin atap ótti. «Ár balaǵa 200 myń teńgeniń oqý quraldary men jeke gıgıe­na zattaryn, ıaǵnı kún­delik­ti mektep jáne sport kıimderine arnalǵan sóm­keler taratyldy», deıdi assamb­leıa ókili. Sonymen qatar «Sana sezim» áıelder bastamalarynyń qu­qyqtyq ortalyǵy balalar men ata-analardyń qujattaryn rásimdeýge kómektesýde. Ak­sııany uıymdastyrýshylar «Izgilik aıy» qaıyrymdylyq is-sharalar sıkli Ramazan aıynyń sońyna deıin jalǵa­satynyn aıtady.

Al Batys Qazaqstan obly­synda Bókeı orda aýdany­nyń Muratsaı aýylynda A.Qu­saıynov atyndaǵy mek­tep­tiń 2001 jylǵy túlek­teri jal­ǵyzbasty ana Qanı­sa Musa­­ǵalıevaǵa baspa­na syılady. «Eki balam bar, ekeýi de bas­­taýysh synypta oqıdy. О́zi­miz­diń baspana­myz joq edi. Qam­qor adamdar­dyń ar­qasynda shaǵyn otbasy­myzǵa jaramdy úıimiz paıda boldy. Muqtaj jandardyń taǵdy­ryna beı-jaı qaramaıtyn barsha adamdarǵa taǵy da alǵys aıtqym keledi», dedi Qanısa Musaǵalıeva.

Soltústik Qazaqstan oblysynda «Azamattarǵa arnalǵan úkimet» memlekettik korporasııasy óńirlik fılıalynyń qyzmetkerleri qaraýsyz qal­ǵan janýarlarǵa baspana usynatyn «Belyı Bım» mekemesine kómek jasady. Erik­tilerdiń qarajatyna salynǵan baspanada 400-den astam ıt bar. Memlekettik kásiporyn qyzmetkerleri 60 kılo qurǵaq jem, 20 kılo jarma botqasy men shynjyr, qarǵybaý, karabın sııaqty kerek-jaraqtaryn aparyp berdi. «Biz áleýmettik jelidegi «Belyı Bım» mekemesiniń kómek suraǵan úndeýine ún qosý kerek dep sheshtik. Osy mekemege turaqty kómektesip júrgen eriktilerdiń biri – bizdiń áriptesimiz. Satyp alǵan zat­tardy sol adam arqyly be­rip jiberdik. Biz aldaǵy ýaqyt­ta da osy uıymǵa kómektese beremiz» deıdi  fılıaldyń HR-menedjeri Ermek Jakın.

Eske sala keteıik, «Qa­ıy­­rymdy ister marafony» jalpyulttyq jobasy osy jyldyń aqpan aıyn­da Mem­leket basshysy Qasym-Jomart Toqaevtyń bas­ta­masymen Qazaq­stan Táýel­sizdiginiń 30 jyl­dyǵyn merekeleý aıasynda bastalǵan bolatyn. Jobanyń eń ma­ńyz­dy mindetteriniń biri – qaıy­rymdy azamattar men uıymdardyń basyn qosyp, qoǵam ómirin jaqsy jaǵyna ózgertýge múmkindik beretin jomarttyq pen meıirimdilik ıdeıasyna negizdelgen qo­ǵam­das­tyqty birge qurý. Ma­ra­fonǵa kez kelgen adam #qaıy­rymdy ister marafony #mara­fon­dobryhdel resmı hesh­teg­teri boıynsha áleý­mettik je­lide óz ıgi is­teri­­men bó­lisý arqyly qosy­la alady. Bar­lyq uıymdas­tyrý­shylyq su­raq­­tary boıynsha úı­les­ti­rý­­­shilermen +7 7172 22 12 24 te­­le­fon nómiri boıyn­sha ne­mese ınsta­gram­daǵy @qaiyrymdy_ister_marafony ak­kaýnty arqyly baılanysa alasyzdar.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar