Qoǵam • 23 Sáýir, 2021

Aq jeleńdi abzal jandar

15 ret kórsetildi

О́ńir turǵyndarynyń medısınalyq qyzmetke qoljetimdiligin arttyrý maqsatynda Almaty oblysynda aýyz toltyryp aıtarlyqtaı jumys istelip jatyr. Búginde aımaqta 235 dárigerlik ambýlatorııa, 104 feldsherlik-akýsherlik pýnkt jáne 220 medısına beketi bar.

Jalpy, turǵyndarynyń 80 paıyzǵa jýyǵy aýyldy mekendeıtin aımaq úshin bul kórsetkish jaqsy bolǵanymen, má­se­l­eni tolyq sheshe almaıdy eken. Iаǵnı oblystaǵy 2 mln jannyń basyna shaq­qanda alǵashqy medısınalyq kómek kórsetetin oryndardyń tapshylyǵyn joıý úshin áli de biraz ýaqyt kerek. Al atqarýshy bılik eldi mekenderdegi  suranysqa ıe emhanalardyń jumysyn jandandyrýǵa kúsh salyp-aq keledi. Qazirgideı pandemııa jaǵdaıynda aqje­leń­di abzal jandardyń jumysyna degen qurmet pen syn da artatyny sózsiz. Jetisýlyq dárigerler osy talap údesinen shyǵyp otyr deýge tolyq negiz bar.

Mysaly, juqpaly indetpen kúres jaǵdaıynda qaltqysyz qyzmet kórsetip otyrǵan medısına mekemesiniń biri – Ile aýdanyna qarasty Boraldaı ­ken­tindegi aýdandyq aýrýhana. Bul meke­me Bo­ral­daı kenti, Vodnık, KazSIK, Kom­so­mol, Chapaı, Mejdýrechensk aýyl­da­ry turǵyndaryna medısınalyq qyz­met kórsetip otyr ári О́tegen batyr kentindegi ortalyq aýrýhanadan keıingi aýdandyq aýrýhana mártebesine ıe. Qazir munda stasıonar bólimi, kúndizgi sta­sıo­­nar bólimi, qabyldaý bólimi, onkolog-mamolog, endokrınolog, stomatolog, hırýrg, gınekolog, nevropatolog, rentgenolog, okýlıst, ÝDZ kabıneti, psıholog, áleýmettik qyzmetter mamandary, ýchaskelik jalpy tájirıbelik dárigerler bólimi ju­mys isteıdi. Aýrýhanadaǵy zaman ta­la­byna saı alynǵan laparos­kopııa ap­paraty turǵyndardyń dertin dóp basyp anyqtap, dertine shıpa bolyp turǵanyna naýqastar dán rıza.

– Laparoskopııalyq tehnologııa degenimiz – naýqastyń ishki aǵzasyna otany tilik jasamaı emdeıtin hırýr­gııa­nyń jańa ádis. Osy tásilmen ártúrli ota jasalýda. Bul jumysty óz isiniń mamany, aýrýhananyń hırýrgııa bó­li­miniń meńgerýshisi Nurbol Nur­ja­nov qolǵa alǵan. Sondaı-aq emhanada ýltra­dybystyq zertteý, sút bez­de­ri­niń rentgenologııalyq zertteýi, sút bezderiniń pýnksıondyq bıopsııa­syn zertteýge arnalǵan mammografııa apparaty alyndy. Bul apparatpen 40 pen 70 jas aralyǵyndaǵy áıelderge sút beziniń qaterli isiginiń aldyn alý maqsatynda tekserý júrgizedi, – deıdi Boraldaı kentindegi aýdandyq aýrýhananyń bas dárigeri, densaýlyq saqtaý isiniń úzdigi Darıǵa Sadyqova.

Boraldaıdaǵy bul aýrýhanada 75 dáriger, 125 medbıke jumys isteıdi eken. Búginde koronavırýs indetiniń taralýy asqynǵan saıyn dárigerlerdiń kásibı qyzmetine suranys artyp, jaýapkershilik júgi eseleı túsken. Al aýrýhanada eńbegimen el alǵysyna bólenip júrgen aqjeleńdi abzal jandar kóp. Mysaly, dáriger-terapevt Alma Aıdarbekova, zerthana bóliminiń meńgerýshisi Ardaq Ospanqulova, jalpy tájirıbeli dárigerler bóliminiń meńgerýshisi Samal Aqybaeva men balalar dárigeri Ulbıbi Ahmetalıeva syndy dárigerlerdi atap aıtýǵa bolady.

– Boraldaı aýdandyq aýrýhanasynyń qyzmetkerleri de juqpaly indet jappaı taralǵan kezeńnen beri, ıaǵnı byl­­tyrǵy naýryz aıynan bastap as­qan jaýapkershilikpen jumys istep kele­di. Aýrýhanada oblys boıynsha al­ǵash­qylar qatarynda jedel kómek kórse­tetin provızorlyq bólimshe ashy­lyp, jumys istep tur. Saqtyq shara­lary qatań túrde saqtalyp, barlyq qyz­met­ker jeke qorǵanys kıim­de­ri­men qam­tamasyz etilgen. Dárigerler men medbıkeler osyndaı qıyn sátte óz­de­riniń eńbekterin shyńdap, úlken tá­jirı­be jınaqtady, – deıdi bas dáriger Darıǵa Baltabekqyzy.

 

Almaty oblysy

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar