Qujatta sybaılas jemqorlyqqa qarsy aǵartý, sybaılas jemqorlyqtyń aldyn alý, qoǵammen áriptestik, jaýapkershiliktiń bultartpastyǵy boıynsha qabyldanǵan zańnamalyq jáne praktıkalyq sharalar, sondaı-aq BUU Sybaılas jemqorlyqqa qarsy konvensııasynyń erejelerin, Eýropa Keńesiniń GREKO basty qaǵıdattaryn jáne EYDU usynymdaryn eskere otyryp, sybaılas jemqorlyqqa qarsy saıasatty odan ári jetildirý jónindegi usynystar berilgen.
Baıandamada Covid-19 pandemııasy kezinde jáne daǵdarysqa qarsy qarajatty ıgerý barysynda sybaılas jemqorlyqtyń aldyn alý jáne jolyn kesý týraly aqparatqa erekshe nazar aýdaryldy. Sondaı-aq Qazaqstanda sybaılas jemqorlyqty qabyldaý deńgeıin táýelsiz baǵalaý jáne sybaılas jemqorlyqqa qarsy saıasat máseleleri boıynsha halyqaralyq yntymaqtastyq qorytyndylary kórinis tapty, ýákiletti organnyń, basqa da memlekettik organdardyń, qoǵamdyq birlestikterdiń jáne kvazımemlekettik sektor sýbektileriniń sybaılas jemqorlyqqa qarsy is-qımylǵa qosqan úlesi baıandaldy.
Esterińizge sala keteıik, Qazaqstan 2020 jyldyń qorytyndysy boıynsha Transparency International sybaılas jemqorlyqty qabyldaý ındeksinde alǵash ret 38 ball jınady. Al 180 eldiń arasynda 94-oryndy ıelendi.
Baıandamanyń tolyq mátinimen myna silteme boıynsha tanysa alasyzdar:
https://www.gov.kz/memleket/entities/anticorruption/documents/details/152774?lang=kk
