Sáýir aıynyń basynda Aman aǵamyzdyń «Preodolenıe» (Belasý) atty avtobıografııalyq kitaby Máskeýdegi «Veche» baspahanasynan 5 myń tırajben oqyrmanǵa jol tartty. Atalmysh kitaptyń redaktory jáne tapsyrys berýshi Gleb Stafeev bizben áńgimesinde kitaptyń mamyr aıynyń bas kezinde aınalymǵa shyǵatynyn, shtrıh-kod arqyly uıaly telefonǵa júktep alýǵa bolatynyn jáne kitapty shyǵarý barysynda beıneıllıýstrasııanyń múmkindikteri qoldanylǵanyn aıtty. Bul degenińiz kitaptyń eklektrondy nusqasynda Aman aǵanyń ómir joldaryn kórsetetin beınekórinisterden tanysýǵa bolady degen sóz.
Gleb Stafeev naqtylap ótkendeı, «Preodolenıe» (Belasý) taqyryby aıtyp turǵandaı, saıasattanýshy, memleket qaıratkeriniń Máskeýdegi qyzmeti, prezıdent saılaýyna túsken kezeńdegi ǵumyrnamasy, Kýzbassty basqarǵan kezeńderi qamtylǵan. Bıyl qurylǵanyna 30 jyl tolatyn TMD elderi týraly qyzyqty málimetter, avtordyń oǵan kózqarasy jaıly qyzyqty derekterdi de osy kitaptan tabýǵa bolady.
Kitapqa tapsyrys bergen, jaryq kórýine jaǵdaı jasaǵan shyǵarmashylyq top ókilderi maýsym aıynda Almaty men Nur-Sultan qalasynda Aman aǵanyń sııasy keppegen týyndysyn elge ákelip, tanystyrýdy josparlap otyr.
