Aıta keteıik, 2020 jyldyń tamyz aıynda basqarma jetekshisi Qaıypov joǵaryda aıtylǵan kelisimge kedergisiz qol qoıyp, atqarylǵan jumystardy qabyldap, medısınalyq jabdyqtardy kedergisiz qabyldaǵany úshin jalpy somanyń 10 paıyzyn ıaǵnı 7,8 mıllıon teńgeni talap etken. Bıyl qańtar aıynda Oral qalalyq sotynda basqarmanyń eks-basshysyna qatysty is qaıta qaraldy. Onymen birge sottalýshylar oryndyǵynda onyń seriktesi Serik Turalıev boldy.
Alaıda prokýror isti tergeýge qaıtarý kerek dep ótinish bildirdi. Sebebi tergeý qylmystyq iske qatysy bar taǵy bir tulǵa – Aıdos Sebepov paıda boldy. Aıyptalýshylardyń aıtýynsha, olar onyń nusqaýy boıynsha áreket etken. Buǵan deıin de Bolatbek Kaıýpov pen Serik Turalıevtiń ózi sot talqylaýy kezinde ol týraly birneshe ret aıtqan. Kýáger Býlekova sottalýshylardyń sóz ras ekenin, sebebi Serik Turalıevtiń ózin bastapqyda sol «Aıdostyń» atynan kelgenin tilge tıek etti. Sot otyrysynda sýdıa Asqar Ismaılov ótinishti qanaǵattandyrdy.
Belgili bolǵandaı, 27 sáýirde atalǵan is ekinshi ret sotqa berilgen. Bul joly sottalýshylar oryndyǵynda eki adam emes, úsh adam bolady. Olar: Bolatbek Kaıýpov, Serik Turalıev jáne Aıdos Sebepov. Kelesi sot sýdıa Naılı Júnisovanyń tóraǵalyǵymen qaralatyn bolady.
