Medısına • 28 Sáýir, 2021

Mańǵystaý oblysynda indetke qarsy qosymsha 2 egý pýnkti ashyldy

77 ret kórsetildi

Mańǵystaýdaǵy Munaıly aýdanynda koronavırýs indetine qarsy qosymsha 2 egý pýnkti ashyldy. Bul týraly Munaıly aýdandyq ortalyq aýrýhana basshysynyń mindetin atqarýshy Janar Dosjanova málim etti, dep habarlaıdy Egemen.kz

Onyń aıtýynsha, osy ýaqytqa deıin Munaıly aýdanynda koronavırýsqa qarsy 2 egý bólmesi jumys istep kelgen. Endi olardyń qataryna qosymsha taǵy qos pýnkt qosyldy. Jańadan ashylǵan egý bólmeleri Mańǵystaý aýylyndaǵy Farıza Ońǵarsynova atyndaǵy ortalyq mádenıet úıinde jáne Basqudyq aýyldyq okrýgindegi «Muhambet» medısına ortalyǵynda ornalasqan.

«Egý pýnktteri tańǵy 8:00-den keshki 17:00 aralyǵynda jumys isteıdi. Turǵyndarǵa qolaıly bolý úshin Basqudyq aýyldyq okrýginde ornalasqan bastapqy medısınalyq sanıtarlyq kómek kórsetý ortalyǵyndaǵy egý bólmesiniń jumysyn uzarttyq. Iаǵnı 17:00-23:00 aralyǵynda jumys júrgizip jatyrmyz. Oraza ustaǵan jandar aýyz ashardan keıin de koronavırýsqa qarsy ekpe alýǵa múmkindik bolady. Búgingi kúnge deıin 2 myńǵa jýyq Munaıly aýdanynyń turǵyny koronavırýsqa qarsy ekpe alǵan», dedi Janar Dosjanova.

Aıta keteıik, búginde 22 myńnan astam mańǵystaýlyq koronavırýsqa qarsy ekpe aldy. Oblysta 32 egý pýnkti jumys isteıdi, onyń 5-i jyljymaly.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar