Qoǵam • 29 Sáýir, 2021

Turǵyndardan belsendilik talap etiledi

91 ret kórsetildi

Elimizde turǵyn úıdi basqarýdyń 2 607 jańa nysany quryldy. Onyń 962-si – múlik ıeleriniń birlestigi, 1 645-i – jaı seriktestik. Olardyń basym bóligi Nur-Sultan jáne Almaty qalalarynda qurylǵan. Basqarýdyń jańa nysanyna kóshýde Batys Qazaqstan, Jambyl jáne Qyzylorda oblystary enjarlyq tanytýda.

Kollajdy jasaǵan Amangeldi Qııas, «EQ»

 

Turǵyn úıdi basqarýdyń jańa formalary «bir úı – bir birlestik – bir esepshot» qaǵıdaty boıynsha jumys isteıtinin buryn da jazǵanbyz. Ol ár úıdi jeke basqarýǵa múmkindik beredi. Al qazirgi páter ıeleri koope­ra­­t­ıvteri, páter ıeleriniń tutyný koo­peratıvteri, turǵyn emes úı-jaı­lar­dy tutyný kooperatıvteri 2022 jyldyń 1 shildesine deıin jumy­syn jalǵastyrady. Atalǵan merzim aıaqtalǵannan keıin bulardyń bári zańnamada belgilengen tártippen taratylady. Bul rette akt boıynsha kóp páterli turǵyn úıdiń keńesine barlyq tehnıkalyq, qarjylyq jáne ózge de qujattardy ótkizýi shart.

Aıtpaqshy, jańashyldyqqa sáı­kes, qurylǵan árbir múlik ıeleri bir­lestigi óziniń aǵymdyq jáne jınaq sho­tyn ashýy tıis. Múlik ıeleri bir­les­tigin nemese jaı seriktestik qurý jaıy zańda jáne normatıvtik quqyq­tyq qujattarda qarastyrylǵan. «Tur­ǵyn úı-kommýnaldyq sharýashy­lyǵyn jańǵyrtý men damytýdyń qazaq­standyq ortalyǵy» AQ basqarma tór­aǵasynyń orynbasary Nurbek Serikov atap ótkendeı, bul jerde páterler­diń, turǵyn emes úı-jaılardyń ıe­leri belsendilik tanytýy kerek. Iаǵnı jınalystar uıymdastyryp, tıisti sheshim qabyldaýǵa barynsha atsalysýy qajet.

– Turǵyndardyń jınalysy – bas­qarýdyń jańa nysanyna ótý pro­sesiniń alǵashqy jáne eń qıyn qadamy. Eger kórshilerdi jınaý qıyn­dyq týdyrsa, onda páter boıyn­sha jazbasha saýaldama júrgizýge bolady. Jazbasha saýaldama paraǵy saýaldama jarııalanǵan kúnnen bastap 7 kún ishinde árbir menshik ıesine qolma-qol nemese elektrondy poshta arqyly jiberiledi. Saýaldama jı­nalys jarııalanǵan kúnnen bas­tap bir aıdan keshiktirilmeı júrgizilýi kerek. Mundaǵy basty mindet – tur­ǵyn­dardyń daýysyn durys esepteý, jınalys hattamasyn rásimdeý jáne zańdy tulǵa retinde tirkelý úshin Ha­lyq­­qa qyzmet kórsetý ortalyq­taryna tapsyrylatyn qujattardyń to­lyq toptamasyn ázirleý. HQKO-ǵa óti­nish, daýys berý paraqtary bar hat­tama, memlekettik jáne orys til­derin­de jazylǵan Jarǵyny tapsyryp, mem­lekettik baj salyǵyn tólep, sheshimdi kútý qajet, – deıdi Nurbek Serikov.

Bul – múlik ıeleri birlestigin qurýdyń joly. Al jaı seriktestik túrindegi basqarý nysanyn tańdaýdyń óz erekshelikteri bar. Munda barlyq menshik ıeleri men jaı seriktestik arasynda birlesken qyzmet týraly shart jasalýy kerek.

– Zańǵa sáıkes, daýys berýdi aqparattandyrý nysandary arqyly ót­kizýge bolady. Búgingi tańda Qazaq­standa kóp páterli túrǵyn úıdi basqarý boıynsha onnan astam aqparattan­dyrý nysany jumys isteıdi. Olar­dyń keıbireýinde onlaın rejimde daýys berý múmkindigi qarastyrylǵan. Qazirgi kezde múlik ıeleri birlestigin tirkeý ótinimin elektrondy túrde berý jaıy pysyqtalýda, – deıdi «Turǵyn úı-kommýnaldyq sharýashylyǵyn jańǵyrtý men damytýdyń qazaq­stan­dyq ortalyǵy» AQ basqarma tóraǵa­synyń orynbasary.

Joǵaryda atap ótkenimizdeı, Al­ma­ty qalasy basqarýdyń jańa túrine kóshý boıynsha kósh bastap tur. Mun­da 355 múlik ıeleri birlestigi tirkel­gen. Onyń 180-ge jýyǵy «Qoǵam­dyq qorǵaýshy» úkimettik emes uıy­my retinde rásimdelgen. Atalǵan uıym­nyń Almaty qalalyq fılıalynyń tóraǵasy Talǵat Muhamedǵalıev­tiń aı­týynsha, burynǵy basqarý organda­ry jyly ornynan ketkisi kelmeıdi. Son­­dyqtan qazir sot isi kóbeıip ketken.

– Qalaı desek te, qazir jaǵdaı birshama jaqsardy. Máselen, buryn qala boıynsha aıyna 5 múlik ıeleri birlestigi tirkelse, qazir bir aıda 40-50 úı basqarýdyń jańa nysanyna kóshedi. Jalpy, reformanyń jedel júzege asýyna pandemııa keri áserin tıgizdi. Odan keıin menshik ıeleriniń boıynda qorqynysh bar. Olar tutas bir úıdi basqarý qoldan kele me, kelmeı me dep alańdaıdy. Desek te, reforma alǵash bastalǵan sátte quryl­ǵan múlik ıeleri birlestikteri jańa basqarý nysany aıasynda alǵashqy jylytý maýsymyn da ótkerdi. Qazir olar óz tájirıbelerimen bólisýde. Buıyrtsa, jazda aqparattandyrý jumysyn jolǵa qoısaq deımiz. Iаǵnı kópshilikke úılerdiń qabyldap alǵan kezdegi jaǵdaıy men olardyń bir jarym jyldyń ishinde qalaı ózgergenin salystyryp kórsetkimiz keledi. Keıbir múlik ıeleri birlestikteri úıdiń shatyryna kúrdeli jóndeý júr­gizdi, endi biri kireberisterdi, jertóle­lerdi qalpyna keltirdi. Úıler­diń mańy abattandyryldy. Qys­qasy, turǵyndar jaýapkershilik júgin naqty sezine bas­tady, – deıdi «Qoǵam­dyq qorǵaýshy» úkimettik emes uıymy Al­maty qalalyq fılıalynyń tóraǵasy.

Osy jerde kópshiliktiń kóńilin kúpti etken bir másele bar. Ol – tarıf­tiń jaıy. Tarqatyp aıtsaq, múlik ıe­leri birlestigi zańdy tulǵa retin­de tirkeledi. Al páter ıeleri koope­ra­tıvi jeke tulǵa retinde jumys istep keldi. Endigi jerde turǵyndar elektr energııasy, sý men jylý úshin tólemdi qandaı tarıfpen tóleýi kerek? 

– Jalpy jınalysta menshik ıeleri bul máseleniń basyn ashyp alýy kerek. Iаǵnı tutas úı tutynatyn elektr energııasy, sý, jylý shyǵyndaryn ja­ńa­dan qurylǵan múlik ıeleri bir­les­tiginiń qarajatynan tóleı me? Álde árbir páter jeke-jeke tóleýi kerek pe? Eger múlik ıeleri birlestigi retinde tólese, onda tólem zańdy tulǵalarǵa arnalǵan tarıf boıynsha esepteledi. Negizi tutynatyn energııa úshin tólemdi ár páterdiń bólek tólegeni ońaı ári tıimdi, – deıdi Nurbek Serikov.

 

Sońǵy jańalyqtar

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Uqsas jańalyqtar