«Bolashaq» baǵdarlamasyna qatysty ózgerister

Bilim jáne ǵylym vıse-mınıstri Mıras Dáýlenov úmitkerlerdiń «Bolashaq» baǵdarlamasynyń tiziminde bekitilgen álemdik bedeli joǵary oqý oryndarynyń birine ózderi túsetinin jet­kizdi.

– Úmitkerler úshin eń mańyz­dy qujat – «Bolashaq baǵdarlamasymen oqýǵa bolatyn basym maman­dyq­tardyń tizimi. Byl­tyr «Bolashaq» baǵdarlama­synyń úmitker­lerin irik­teýge jáne kon­kýrs­tyq qu­jattamaǵa qatys­ty talap­tarǵa ózgeris­ter engizil­gen bolatyn. So­ǵan sáıkes endi bar­lyq úmit­­kerler (meıli magıs­tratýraǵa, dok­torantýraǵa, rezı­dentýraǵa tapsyratyn) «Bolashaq» baǵdarlama­synyń tiziminde bekitilgen álemdik bedeli joǵary oqý oryndarynyń birine ózderi túsýge mindetti bolady. Oqýǵa túskenin dálel­deıtin qujatpen ǵana stı­pendııaǵa úmitker bola alady. Quramyna bilim jáne ǵylym salasynyń sarapshylary, qoǵam qaıratkerleri kiretin Respýblıkalyq komıssııa otyrysynda 2021 jylǵa arnalǵan basym ma­man­dyqtardyń tizimi beki­tildi. Onyń qatarynda jańa tehnologııalar, robottehnıka, bıologııa, bıotehnologııa, reabılıtologııa, ımmýnologııa, vırýsologııa, vaksınologııa salasynyń mamandyqtary qamtylǵan, – dedi vıse-mınıstr.

Atalǵan ortalyq Mem­­leket basshysynyń Jol­daý­da beril­gen 500 ǵalym­nyń álem­degi jetekshi zertteý ortalyq­tarynda jyl sa­ıyn taǵylymdamadan ótýin qamtamasyz etýge qatysty tapsyrmasy boıynsha ju­mysty da uıymdastyrady.

– Shetelde kadr­lar­ daıar­­laý jónindegi respýb­lıka­lyq komıssııa­nyń sheshimimen taǵy­lym­da­manyń sanat­tary beki­tildi. Endi taǵy­lym­da­ma qataryna ǵalym­dar­ǵa ar­­nalǵan jańa sanat qo­syldy. Ǵalymdarǵa ar­nal­ǵan taǵylymdama 9-dan 12 aıǵa deıin sozylaty­nyn atap ótken jón. Bul otan­­dyq ǵalymdarǵa álem­niń jetekshi ǵylymı zertteý ortalyqtarynda is-táji­­rıbeden ótýge jáne sheteldik áriptesterimen bir­lese ju­mys isteýge jol ashady. Taǵy bir toqtala ketetin mańyzdy jaıt, ta­ǵy­lymdama magıstratýra, doktorantýra, rezıdentýra baǵdarlamalary boıynsha da qarastyrylǵan, – dedi M.Dáýlenov.

Al «Bolashaq» halyqara­lyq baǵdarlamalar orta­lyǵy» AQ prezıdenti Aınur Káribozova atalǵan basym mamandyqtardyń tizimi qalaı jasaqtalǵanyn túsindirdi.

– «Bolashaq» baǵdarla­ma­symen oqýǵa bolatyn basym mamandyqtardyń tizimi eńbek naryǵyndaǵy múddeli uıymdardyń usynys-pikiri, boljamdary, Bilim jáne ǵylym mınıstrliginiń mem­lekettik tapsyrysy bo­ıynsha bo­lashaqta qa­jet bolatyn kadrlardyń boljamyna qatysty sa­rap­tamanyń ne­gizinde, son­daı-aq ár sa­la­nyń sarap­shylary­men talqylaý arqy­ly ázir­lendi. Budan bólek qu­jattardy qabyldaý men úmit­kerlerdi irikteý bary­sy tolyǵymen avtomattan­dyryldy. Sondyqtan bıyl­­ǵy úmit­kerler 4 mamyr­dan bas­tap qujattaryn elek­­trondy úkimet porta­ly ar­qyly tapsyrady. Qu­jat­tarynyń talaptarǵa sáıkestigi rastal­ǵan úmit­ker­ler konkýrstyq irik­teýge joldama alady. Osy kezeńde úmitker por­tal­daǵy jeke kabınetine kilt alyp, jeke derekterin saq­taı otyryp, irikteýdiń bar­lyq kezeńinen ótedi, – dedi A.Káribozova.

Ortalyq ókiliniń aı­týyn­sha, úmitkerlerdi irik­teý konkýrsynyń ke­zeń­derine sáıkes áýeli to­lyǵymen elektrondy formatta ke­shen­di testi­leý ótkiziledi. Ekin­­shi kezeńde táýelsiz sarap­shy­men jeke suhbat bolady. Sońǵy kezeńde Shetel­de kadrlar daıarlaý jónindegi respýblıkalyq komıssııanyń músheleri kandıdatýralardy qaras­tyrady.