Quqyq qorǵaýshynyń aıtýynsha, 1 sáýir kúni tekserý kezinde júrektiń koronarlyq aýrýy, FK 2 kerneýiniń stenokardııasy, ateroskleroz, koronarlyq arterııa kalsınozy jáne birneshe dıagnoz qatar qoıylǵan.
«Dárigermen jeke áńgime barysynda maǵan koronarlyq arterııa kalsıfıkasııasy naýqasty ınfarktqa deıingi jaǵdaıǵa alyp barady», dedi Zamır Jooshev.
Onyń aıtýynsha, Atambaevqa otyrýǵa bolmaıtynyn eskertken.
«14 sáýirde «Qoı-Tash» oqıǵalary boıynsha qylmystyq isti qaraıtyn sýdıa Áziret Mederov eks-prezıdent Almazbek Atambaevtyń densaýlyq jaǵdaıyn anyqtaý boıynsha sot-medısınalyq saraptama taǵaıyndaý týraly sheshim shyǵardy.
Saraptama qorytyndysynyń nátıjesi boıynsha Atamabaevqa Qyrǵyzstanda nemese shetelde tolyqqandy medısınalyq em alý múmkindigi beriledi dep oılaımyn», deıdi quqyq qorǵaýshy.
Aıta keteıik, Almazbek Atambaevqa qatysty birneshe qylmystyq is qozǵalǵan bolatyn. 2019 jyly 7-8 tamyzda Qoı-Tash aýylyndaǵy tártipsizdikter, sybaılas jemqorlyqqa qatysy bar degen aıyppen eks-prezıdent qamaýǵa alynǵan.
