Qoǵam • 30 Sáýir, 2021

«100 jańa esim» jobasynda úzdik shyqqandar

733 ret

kórsetildi

1 mın

oqý úshin

Memleket basshysy Qasym-Jomart Toqaev «Qazaqstannyń 100 jańa esimi» jobasynyń jeńimpazdaryn quttyqtap, olardyń óz darynymen kópshilikti moıyndata bilgenin, memleketimizdi órkendetýge aıryqsha úles qosyp kele jatqanyn aıtty, dep habarlaıdy Egemen.kz

Aıym DÁÝIT

«100 jańa esim» jobasynda úzdik shyqqandar

«Qazaqstannyń 100 jańa esimi» jobasynda ortasynan oza shaýyp, eren shyqqandardyń legi kóp boldy. Solardyń qatarynda «Qoǵam» sanatynda Qazaqstan Qarýly kúshteriniń tuńǵysh áskerı ushqysh-ıstrebıteli Ardana Botaı erekshe kózge tústi. Sebebi Ardana balaýsa shaǵynan bastap áskerı ushqysh bolýdy armandaǵan. Búginde arý qyzymyz avıasııalyq eskadrılıadaǵy joıǵyshtyń aǵa ushqyshy bolyp qyzmet atqarady. Sondaı-aq ol «Sý-30SM» jańa býyn joıǵyshymen áýege kóterilip, ushyp júr.

Al jobadaǵy «Ǵylym men ınnovasııa» sanatynda top jarǵan jas ınjener Sanjar Taıjan Anglııada jer-jahanǵa áıgili Jaguar jáne Mclaren sııaqty alpaýyt kompanııalarmen jumys istedi. Ol konkýrsqa qatysqan 30 stýdentten turatyn komandany quryp, mıllıarder Ilon Masktyń Not-A-Boring Competition baıqaýynyń fınalyna ótken edi. Endi jas býyn Ilon Mask-tyń kompanııasynda ómirsheńdegin kórsetip kele jatqan úsh jobany qolǵa alǵan.