Oqıǵa oryn alǵan jerde túsirilgen sýretter Instagram áleýmettik jelisinde paıda boldy. Vıdeodan arnaıy tehnıkanyń artqy jaǵy jerastyna túsip ketkenin baıqaýǵa bolady.
Qutqarý qyzmetiniń málimetinshe, 30 sáýirde 109 ekıpajy Nazarbaev dańǵyly 124 mekenjaıyndaǵy úı balkony men qalqanyna qaýip týdyratyn butaqtardy kesý úshin shaqyrylǵan.
«Shaqyrtý ornyna jetkende, 109 Qyzmet kórsetý bólimine tıesili avto-gıdravlıkalyq kótergishtiń oń jaq artqy dóńgelegi jer astyna túsip ketti. Ol jer negizinen jazda sýburqaq retinde paıdalanylǵan. Oqys oqıǵaǵa qaramastan, avtokólik shuńqyrdan shyǵarylyp, qutqarýshylar ekıpajy apat jaǵdaıyn týdyrǵan butaqtardy kesý jumystaryn aıaqtady», dedi vedomstvo ókilderi.
Oqıǵa oryn alǵan jerge polısııa qyzmetkerleri men Almaty qalalyq Jasyl ekonomıka basqarmasynyń mamandary shaqyrylǵan.
