«Birtutas halyqtyń kúshi - qaıyrymdylyǵy men árdaıym óziniń jaqynyna qol ushyn berýge ázir turatyndyǵynda. Sondyqtan, meniń bastamammen «Qaıyrymdy ister» respýblıkalyq aksııasy aıasynda bizdiń oblysta qaıyrymdylyq is-sharalar marafony bastaý aldy. Bul is-sharalardyń qasıetti Ramazan aıynda jáne Birlik kúninde oryn alýy onyń taǵylymdyq mánin arttyra túseri sózsiz.
Men barsha jambyldyqtardy jáne kásipkerlerdi osy aksııaǵa qoldaý kórsetip, qosylýǵa shaqyramyn. Shynynda da, bul adamdarǵa bir-birine degen senim men janashyrlyq, qaıǵy men qýanyshta birge bolý qabiletin joǵaltpady degen senim beredi. Barshańyzǵa myqty densaýlyq pen baq-bereke tileımin», dedi oblys ákimi.
Aıta keteıik, Qazaqstan halqy Assambleıasynyń músheleri, túrli etnos ókilderi, belsendi jastar men eriktilerdiń kómegimen muqtaj adamdarǵa 1000-nan asa azyq-túlik sebetteri taratyldy.
