– Pavlodarlyq saǵat 10.12-de polısııaǵa bir apta buryn tanysynyń páterinen 50 000 teńge aqsha men teledıdardy urlap ketkeni týraly habarlaǵan. Oqıǵa ornyna barǵan polısııa urlyq faktisi bolmaǵanyn anyqtady. Páter ıesiniń úıinde uzaq ýaqyt boıy jaryq joq bolyp shyqty, al qolda bar turmystyq tehnıkany satyp jibergen. Buǵan qosa, ol mas kúıinde bolǵan, tipti, polısııa shaqyrǵanyn esine túsire almaǵan, – dedi oblystyq polısııa departamenti jergilikti polısııa qyzmetiniń bastyǵy Ǵalym Sarǵulov.
Er adamǵa 30 AEK kóleminde aıyppul salyndy. Aıta keterligi, buǵan deıin ýchaskelik polısııa ınspektory jalǵan aqparat bergen turǵynǵa qatysty májbúrlep emdeý úshin materıal jınap, sotqa jibergen. Jyl basynan beri oblysta 19 turǵyn arnaıy qyzmetke jalǵan qońyraý shalǵany úshin jaýapqa tartyldy.
