Italııanyń Týrın qalasynan bastaý alatyn dúbirli doda birer aptaǵa sozylyp, 30-mamyrda Mılanda óz máresine jetedi. Sol aralyqta qatysýshylar Apennın túbeginen bólek, Slovenııa men Shveısarııanyń birqatar aımaqtaryn basyp ótedi. Baǵyttyń jalpy uzaqtyǵy – 3479,9 shaqyrym. Osy jarysta Qazaqstanda irgetasy qalanǵan «Astana-Premier Tech» klýbynyń sapynda Vadım Pronskıı (Qazaqstan), Samýele Battıstella (Italııa), Aleksandr Vlasov (Reseı), Fabıo Fellıne (Italııa), Gorka Isagırre (Ispanııa), Lýıs Leon Sanches (Ispanııa), Matteo Sobrero (Italııa) jáne Harold Tehada (Kolýmbııa) syndy sańlaqtar óner kórsetedi.
Esterińizge sala keteıik, byltyrǵy «Djıro d’Italııa» dodasynda Ulybrıtanııanyń «Ineos Grenadiers» klýbynyń namysyn qorǵaǵan aýstralııalyq veloshanboz Teo Geıgan Harttyń asyǵy alshysynan tústi. Ekinshi jáne úshinshi oryndardy «Sunweb» komandasynyń serkeleri – nıderlandtyq Vılko Kelderman men portýgalııalyq Jýan Pedrý Almeıda ıelendi.
