Uly Otan soǵysy jyldarynda qaza tapqan sarbazdardyń esimi jerleý ornynan tabylǵan medalondar kómegimen anyqtaldy. Qazirgi tańda izdestirý toby qazaqstandyq jaýyngerlerdiń týystaryna habarlasyp, málimetterdi jetkizýde.
Reseılik izdestirý tobynyń aqparaty boıynsha, Holmdaǵy «Dolına» ekspedısııasynyń quramyna kiretin «Pıramıda» jasaǵy jaýyngerler jerlengen belgisiz qabirdi tapqan. Uly Otan soǵysyna qatysqan sarbazdar jekemenshik úılerdiń biriniń aýmaǵynda úlken shuńqyrda kómilgen. Pavlodarlyq «Maıdan joly» izdestirý jasaǵynyń komandıri Aleksandr Shıtov qaza tapqan sarbazdardyń arasynda qazaqstandyqtar da bolǵanyn aıtty.
«Reseılik áriptesterdiń aıtýynsha, 29 sáýirde olar eksgýmasııa jumystaryn aıaqtady. 52 áskerı qyzmetkerdiń súıegi shyǵarylǵan. 16 medalon tabyldy. Olardyń altaýy bos, úsheýi sol jerde oqyldy. Jeteýi saraptamaǵa jiberildi. О́kinishke qaraı, úsh medaldi oqý múmkin bolmady. Bireýin oqý jumystary áli jalǵasyp jatyr. Al qalǵan úsheýi oqyldy. Úsheýi de bizdiń jerlesterimiz ekendigi anyqtaldy», dedi Shıtov.
