Oqıǵa • 04 Mamyr, 2021

Almatyda 4 jasar balany samokatpen qaǵyp ketti

84 ret kórsetildi

Almatyda samokat júrgizýshisi tórt jasar balany qaǵyp, oqıǵa ornynan qashyp ketken, dep habarlaıdy Egemen.kz.

Almatyda trotýarda samokat aıdap ketip bara jatqan qyz ben jigit tórt jastaǵy balany qaǵyp, oqıǵa ornynan qashyp ketken.

Almaty qalalyq Polısııa departamentiniń málimetinshe, oqıǵa 2 mamyr kúni Nazarbaev dańǵyly men Qabanbaı batyr kóshesiniń qıylysynda oryn alǵan. Kóp uzamaı polısııa kinálini tapty. Ol 24 jastaǵy Almaty oblysy Ile aýdanynyń turǵyny bolyp shyqty.

«Er adam kinásin birden moıyndady, ol jaýapkershilikten qorqyp, balany qaǵyp ketken soń qashyp ketkenin aıtty. Samokat júrgizýshisiniń janynda qyzy bolǵanyn aıtty. Er adamǵa QR ÁQBtK-niń 615-baby 2-bóligi «Jábirlenýshiniń densaýlyǵyna qylmystyq jazalanatyn is-áreket belgileri joq zııan keltirýge ákep soqqan ne materıaldyq zalal keltirgen áreket» boıynsha ákimshilik hattama toltyryldy. Oqıǵanyń mán-jaıy anyqtalyp jatyr», dedi Almaly aýdandyq polısııa basqarmasynyń basshysy Esen Ysqaqov.

Uqsas jańalyqtar