Qala turǵyndary saýda ortalyqtaryndaǵy egý pýnktterinde medısına qyzmetkerleriniń sypaıylyǵyn, jyly qarym-qatynasyn aıryqsha atap ótti.
«Qazir kezek joq, óte yńǵaıly. Dárigerler bizdi jyly qarsy alady. Bárin muqııat túsindiredi. Vaksına qabyldaǵan durys dep esepteımin. О́zgelerden juqtyryp almaýymyz ári ózgelerge juqtyrmaýymyz kerek. О́z densaýlyǵymyzǵa ózimiz kóńil bólýimiz qajet», deıdi elorda turǵyny Látıpá Ánýarhan.
Astanalyq Maqsut Baıjanov saýda ortalyǵyndaǵy egý pýnkti emhanaǵa qaraǵanda jaqyn bolǵanyn, bul óte yńǵaıly ekenin jáne ýaqytyn únemdegenin atap ótti.
«Maǵan «Megada» da, «Han Shatyrda» da vaksına alýǵa bolady dep aıtty. Jumysymnan shyǵyp, úıime qaıtar tusta jolymda bolǵandyqtan vaksına qabyldaýǵa kelip otyrmyn», dedi ol.
Elordalyq Áset ata-anasyna alańdaǵandyqtan vaksına saldyrý kerek dep sheshken.
«Qart ata-anam bar. О́zim aýyryp, artynsha ol kisilerge juqtyrǵym kelmeıdi. Sol sebepti vaksınasııany qajet dep sanadym», dedi ol.
Rústem Qarajanov ta vaksınany saýda ortalyǵynda ornalasqan pýnktte aldy.
«Búgin vaksınanyń birinshi komponentin aldym, ózimdi jaqsy sezinemin. 21 kúnnen keıin ekinshi komponentin alýǵa kelemin. Meniń oıymsha, vaksınasııalaý – bizdiń paryzymyz. Týystarym da vaksına aldy. Bári ózderin qalypty sezinedi», dedi elorda turǵyny.
Nurgúl Moldabaıqyzy vaksınasııa azamattardyń densaýlyǵy men ómirin saqtaý úshin qajet dep sanaıdy.
«Vaksına densaýlyq úshin ǵana emes, adam ómirin saqtaý úshin de qajet. Sondyqtan bizge osyndaı múmkindik bergeni úshin memleketke úlken alǵys bildirgim keledi», deıdi ol.
Esterińizge sala keteıik, elordada KVI-ge qarsy vaksına alýǵa bolatyn 100-den astam egý pýnkt jumys isteıdi. MSAK mekemelerinde jáne qalanyń «Mega Silk Way», «Keruen», «Han Shatyr» «Abý-Dabı Plaza», «Azııa Park» sekildi SOO-larynda. Jumys kestesi: saǵat 08.00-den 22.00-ge deıin.
