Aýyr jaǵdaıyna qaramastan naýqas salmaǵy 4000 g bolatyn saý qyz balany dúnıege ákeldi.
Bosaný kezinde Aınagúl Orazbekova KVI dıagnozymen óte aýyr halde bolǵan. Sondaı-aq oǵan aýyr dárejeli vırýstyq pnevmonııanyń eki jaqty dıagnozy qoıylǵan.
«16 naýryzda Aınagúl Orazbekova óte aýyr jaǵdaıda eki jaqty vırýstyq pnevmonııamen jáne ókpeniń 100% zaqymdanýymen reanımasııa bólimine shuǵyl túrde tústi», deıdi №2 MGB dırektory Nurbol Tursynbaev.
Dárigerlerdiń aıtýynsha medısına qyzmetkerleri eki aı boıy reanımasııa bóliminde naýqastyń ómiri úshin kúresken.
«Bosanǵannan keıin naýqastyń jaǵdaıy nasharlap ketti: satýrasııasy tómen, temperatýrasy joǵary, ózdiginen dem ala almady, ıntoksıkasııa sındromy ózgerissiz qaldy. Konsılıýmdar birneshe ret júrgizildi, nátıjesinde pasıent EKMO-ǵa qosyldy (ekstrakorporaldy membranalyq oksıgenasııa). 20 kún boıy oksıgenasııa jáne gemodıafıltrasııa júrgizildi», dedi shuǵyl Kardıologııa jáne kardıohırýrgııa ortalyǵynyń basshysy Seıil Muhametqalıev.
Naýqas ottegi terapııasyna qosylǵanyna qaramastan desatýrasııasy ózgermegen. Konsılıýmnyń sheshimimen О́JJ apparatyna aýystyryldy.
«Dárigerler men medbıkeler eki aı boıy naýqasty emdep, baqylap, kútim jasady. Kóp uzamaı toqtaýsyz jumys nátıjesin bere bastady. 50 táýlikten keıin pasıent reanımasııadan beıindi bólimshege aýystyryldy. Aýrýhana mamandarynyń toptasyp jumys isteýiniń arqasynda naýqastyń jaǵdaıy jaqsardy, gemodınamıkasy turaqtandy. Eń bastysy óz betinshe tynys ala alatyn kúıge jetti», dep atap ótti ınfeksııalyq bloktyń meńgerýshisi Gúlnur Áshirbekova.
«Biz Aınagúlge týǵan jaqynymyzdaı alańdadyq. Ol kisiniń kúıeýiniń bizge tolyq senim artyp, jaqsylyqtan úmittengeni bizge qosymsha kúsh berdi», deıdi emdeýshi dáriger, pýlmonolog Gúljan Baıyrbekova.
Tótenshe rejımde jumys isteýge daǵdylanǵan aýrýhananyń joǵary bilikti mamandary birden eki adamnyń ómirin, ıaǵnı naýqas pen jańa týǵan náresteni aman alyp qaldy.
«Dárigerlerge, medbıkelerge, sanıtarlarǵa, reanımasııa jáne qarqyndy terapııa bólimshesiniń, ınfeksııalyq bloktyń barlyq qyzmetkerine alǵysymdy bildiremin. Aldaryńyzda basymdy ıemin. Kórsetilgen kómekterińiz ben kásibılikterińiz úshin kóp rahmet. Alǵys aıtqannan basqa eshnárse aıta almaımyn, tek rızashylyǵymdy bildiremin. Sábıimdi tezirek qolyma alǵym kelip otyr», dedi Aınagúl Orazbekova.
