Baǵdarlamaǵa túzetýler 2004–2009 jyldar aralyǵyndaǵy kezeńde ıpotekalyq qaryzdar alǵan, sondaı-aq 2016 jylǵy 1 qańtarǵa deıin shetel valıýtasymen ıpotekalyq qaryzdar berilgen halyqtyń áleýmettik osal toptaryna osy qaryzdar boıynsha olardyń borysh júktemesin odan ári tómendetý jáne jalǵyz baspanasyn saqtaý maqsatynda qosymsha qarjylyq kómek kórsetýge baǵyttalǵan. Osylaısha, baǵdarlamaǵa túzetýler qıyn ómirlik jaǵdaıǵa tap bolǵan jáne osyǵan baılanysty tabysy joq azamattardy qoldaý úshin qoǵamdyq uıymdarmen kelissózderdiń nátıjesi boldy.
Baǵdarlamaǵa engizilgen túzetýlerdi eskere otyryp, qarjylyq qoldaý sharalary kámeletke tolmaǵandardyń nemese múgedektigi bar adamdardyń zańdy ókilderi bolyp tabylatyn ıpotekalyq qaryz alýshylarǵa, sondaı-aq qamqorlyǵynda (asyraýynda) halyqtyń áleýmettik - osal toby mártebesi bar adam bar jáne eńbekke qabiletsiz azamattardy kútip-baǵýǵa, emdeýge arnalǵan shyǵystardy kóteretin qaryz alýshylarǵa qosymsha kórsetiletin bolady. Qamqorshylyq 2021 jylǵy 1 qańtardaǵy jaǵdaı boıynsha rastalýǵa tıis.
Buǵan qosymsha, baǵdarlama sheńberinde taratylǵan «Astana Banki» AQ bergen ıpotekalyq qaryzdary bar jáne baǵdarlamanyń birinshi baǵyty boıynsha qaıta qarjylandyrylǵan HÁOT sanatyndaǵy azamattarǵa qoldaý sharalary kórsetiletin bolady. Qarjylyq kómek alý úshin kórsetilgen qaryz alýshylar tıisti ótinishpen Banktiń Taratý komıssııasyna júgine alady.
Kirisi tómen ıpotekalyq qaryz alýshylardy qoldaý úshin baǵdarlamaǵa engizilgen túzetýlermen HÁOT sanatyna jatatyn qaryz alýshynyń jeke kirisiniń eki eń tómengi kúnkóris sheginde saqtalýy bekitiledi. Bul shara osyndaı qaryz alýshylardyń bıýdjetine túsetin qarjylyq júktemeni azaıtady jáne olarǵa kommýnaldyq tólemderdi, azyq-túlikti, dári-dármekterdi jáne qaryz alýshylardyń basqa da birinshi kezektegi qajettilikterin tóleýge múmkindik beredi.
Baǵdarlamaǵa engizilgen túzetýler Qaryz alýshylardyń shaǵymdaryn qaraý jónindegi komıssııa quqyqtarynyń keńeıýine de áser etti. Endi Komıssııalar qaryz alýshylardyń baǵdarlamanyń úshinshi baǵyty boıynsha qosymsha kómek kórsetý týraly ótinishterin qaıta qaraý bóliginde bankter úshin mindetti bolatyn sheshimder shyǵarýǵa ókilettik aldy.
Túzetýlerde qarjylandyrý nemese jalǵa alý talaptarymen turǵyn úıdi banktiń balansynan HÁOT sanatyna jatatyn burynǵy menshik ıesine bergen kezde, bankterge turǵyn úıdi menshik ıesine banktiń balansyna buryn qabyldanǵannan az shyǵyndarmen berý týraly derbes sheshim qabyldaý quqyǵyn berý kózdeledi.
Baǵdarlamanyń birinshi jáne ekinshi baǵyttary boıynsha qaryzdary qaıta qarjylandyrylǵan, sondaı-aq baspanasy banktiń balansyna ótken HÁOT sanatyndaǵy qaryz alýshylarǵa bankterdiń qosymsha kómek sharalaryn kórsetýi úshin qaryz alýshylar 2021 jylǵy 1 maýsymǵa deıingi merzimde tıisti ótinishpen bankke júginýi qajet.
Bankter Ulttyq Banktiń 2015 jylǵy 18 tamyzdaǵy baǵamy boıynsha (1 AQSh dollary úshin 188,35 teńge) Baǵdarlama talaptarymen buryn birjaqty tártippen aıyrbastalǵan qaryzdardy qaıta qarjylandyrýdy aıaqtaıdy. Osyǵan baılanysty HÁOT qaryz alýshylary úshin 3% jáne qalǵan qaryz alýshylar úshin 12% mólsherleme boıynsha valıýtalyq ıpotekalyq qaryzdy qaıta qarjylandyrý úshin qaryz alýshylar 2021 jylǵy 15 jeltoqsanǵa deıingi merzimde bankke júginýi qajet. Baǵdarlama 2004-2009 jyldardaǵy qaryzdardy, sondaı-aq 2016 jylǵy 1 qańtarǵa deıin berilgen shetel valıýtasyndaǵy qaryzdardy qaıta qarjylandyrýǵa baǵyttalǵan. Baǵdarlamanyń 1-bólimi boıynsha 182,1 mlrd teńgege 28,9 myń qaryz maquldandy, 169,3 mlrd teńge somaǵa 27,9 myń qaryz qaıta qarjylandyryldy.
2020 jyly 223 mlrd teńge somaǵa 27 myń valıýtalyq ıpotekalyq qaryzdy aıyrbastaý aıaqtaldy.2021 jylǵy 1 sáýirdegi jaǵdaı boıynsha HÁOT sanatyna jatatyn 2662 qaryz alýshyǵa 15,7 mlrd teńge somada qosymsha kómek kórsetildi.
