Qoǵam • 06 Mamyr, 2021

Nur Otan «Dıplommen – aýylǵa!» baǵdarlamasyn synady

50 ret kórsetildi

Nur Otan-da jastarǵa arnalǵan memlekettik baǵdarlamalardy júzege asyrýdyń kemshilikteri aıtyldy, dep habarlaıdy Egemen.kz.

«Dıplommen – aýylǵa!» jáne «Serpin» memlekettik baǵdarlamalaryn júzege asyrýdaǵy túıindi máselelerdi «Nur Otan» partııasy janyndaǵy Jastardy qoldaý jónindegi jańa respýblıkalyq qoǵamdyq keńes músheleri talqylady.

Otyrys barysynda Ulttyq ekonomıka vıse-mınıstri Álisher Ábdiqadyrov habarlaǵandaı, «Dıplommen – aýylǵa!» jobasyn iske asyrý nátıjesinde 2009-2020 jyldar aralyǵynda 77 myńnan astam maman 11,5 mlrd teńge somasynda kóterme járdemaqy alsa, al 36,6 myń maman 105,3 mlrd teńge somasynda turǵyn úıge bıýdjettik nesıege qol jetkizgen. Bul rette bilim berý salasynyń – 70% jáne densaýlyq saqtaý salasynyń – 21% mamandary qamtylǵan.

Keńes tóraǵasy, Májilis depýtaty Mádı Ahmetovtiń aıtýynsha, jas mamandardyń múddelerin eskere otyryp, baǵdarlamaǵa qatysý sharttarynyń birneshe ret qaıta qaralǵanyna qaramastan, josparlanǵan kórsetkishterge qol jetkizilmegen.

«Bul jobalar bastapqyda qala men aýyl arasyndaǵy túrli salalar boıynsha alshaqtyqty teńestire otyryp, bar problemalar keshenin sheshýge tıis edi. Biraq óńirlerdegi ahýal sol deńgeıde qalyp otyr, aıtarlyqtaı ózgerister joq», dedi ol.

О́z kezeginde «Jas Otan» JQ-nyń tóraǵasy Nurjan Jetpisbaev aýyldyq jerlerde kadr tapshylyǵy máselesi ótkir kúıinde qalyp otyrǵanyn alǵa tartty. Búgingi tańda agroónerkásiptik keshen salasynda 2,8 myń maman jetispeıdi.

«Eger jyl saıyn memlekettik granttar boıynsha agrarlyq mamandyq alǵan túlekterdiń tek 30%-y ǵana aýyldyq jerge jumysqa ornalasatynyn eskersek, osy maqsatqa bıýdjetten bólingen 7 mlrd teńgege jýyq qarajat tıimsiz paıdalanylyp otyr. «Dıplommen – aýylǵa!» baǵdarlamasyn iske asyrýdaǵy kemshilikterdiń biri – jas mamandarǵa bıýdjettik nesıe qarajatyn bólý kezindegi bıýrokratııa»,  dep atap ótti ol.

Osyǵan baılanysty partııanyń jastar qanatynyń basshysy Májilistiń jas depýtattary arasyndaǵy Keńes múshelerine kóterme járdemaqy tóleýden jáne turǵyn úı satyp alýǵa nesıe berýden negizsiz bas tartýǵa qatysty quqyqbuzýshylyqtardy tekserý úshin Bas prokýratýraǵa depýtattyq saýal joldaýdy usyndy. Jergilikti jerlerde «Dıplommen – aýylǵa!» jáne «Serpin» baǵdarlamalaryn  iske asyrýdyń monıtorıngine «Nur Otan» partııasynyń Jas depýtattarynyń korpýsy da qosylady.

«Serpin» baǵdarlamasy týraly aıta kele, Bilim jáne ǵylym vıse-mınıstri Sholpan Karınova bólingen memlekettik tapsyrys tolyq kólemde ıgerilmeıtinin aıtty. Ol granttardyń ıgerilmeýiniń negizgi sebepteri retinde bilim alǵan jerinde mindetti jumyspen óteý talabynyń bolýyn, baǵdarlama túlekteriniń jumysqa ornalasatynyna kepildik berilmeýin, jergilikti atqarýshy organdar men jumys berýshilerdiń JOO-men jumysqa ornalastyrý máseleleri boıynsha ózara is-qımylynyń nasharlyǵyn, baǵdarlama túlekterinde turǵyn úıdiń bolmaýyn jáne t. b. atady.

«2019 jyly «Serpin» jobasy boıynsha granttardyń 52%-y oǵan qatysýǵa nıet bildirgenderdiń bolmaýyna baılanysty suranyssyz qaldy. «Serpin» túlekteriniń tórtten bir bóligi ǵana bilim alǵan aımaǵynda turaqtaıdy. Jyl saıyn jobany jaqsartý jáne jetildirý boıynsha birqatar sharalar qabyldanady, bıýdjet ulǵaıady, biraq tıimdilik baıqalmaıdy», dep atap ótti Mádı Ahmetov.

Tutynýshylardyń quqyqtaryn qorǵaý koalısııasynyń tóraǵasy Murat Ábenov te qazirgi tańda bul baǵdarlamaǵa degen jastardyń qyzyǵýshylyǵy tómendegenin tilge tıek etti.

«Bastapqyda baǵdarlamaǵa qyzyǵýshylyq joǵary boldy. Qazir eshkim barǵysy kelmeıdi, qujat tapsyrmaıdy. Másele nede? Baǵdarlama boıynsha kelgen jastarǵa kóterme qarjy beriledi, qosymsha shákirtaqy qarastyrylady. Alaıda, bitirgen soń mindetti túrde úı, jumys taýyp beremiz degen ýáde memleket tarapynan oryndalmady», dedi ol.

Sonymen qatar, Májilis depýtaty Juldyz Súleımenova kásiptik baǵdar berýdegi kemshilikterge, jastarǵa ol týraly aqparattyń jetpeýine jáne osy jobalar týraly ortalyqtandyrylǵan aqparattyń joqtyǵyna nazar aýdardy. Onyń aıtýynsha, «Serpin» baǵdarlamasynda medısına mamandaryn daıarlaıtyn baǵyty joq.

Otyrys qorytyndysynda Keńes tıisti memlekettik baǵdarlamalardyń iske asyrylýyn jaqsartý boıynsha birqatar usynymdar ázirledi, olar ýákiletti organdarǵa joldanatyn bolady.

Sońǵy jańalyqtar

Tennısten ATP reıtıngi jańartyldy

Tennıs • Búgin, 15:59

Mańǵystaýda gaz qubyry jaryldy

Oqıǵa • Búgin, 15:40

Ulttyq bank bazalyq mólsherlemeni bekitti

Ekonomıka • Búgin, 15:23

Aqtaýda sharshy alańǵa kimder shyǵady?

Kásipqoı boks • Búgin, 14:52

Atyraýda epıdjaǵdaı áli de kúrdeli

Koronavırýs • Búgin, 13:50

Túrkistanda úshem dúnıege keldi

Aımaqtar • Búgin, 12:50

85 adam pıssadan ýlanyp qaldy

Álem • Búgin, 11:47

Erteń Úkimet otyrysy ótedi

Úkimet • Búgin, 11:31

Premer-Mınıstr úı qamaqqa alyndy

Álem • Búgin, 10:35

ShQO-da kisi óltirgen kúdikti ustaldy

Oqıǵa • Búgin, 10:27

Búgingi valıýta baǵamy qandaı?

Qarjy • Búgin, 10:15

Qazaqstanda qansha adam vaksına saldyrdy?

Koronavırýs • Búgin, 09:21

Táýelsizdik tulǵalary

Elorda • Búgin, 09:16

Aıda – álem chempıony!

Sport • Búgin, 09:14

Almaty qalasy «sary» aımaqqa ótti

Koronavırýs • Búgin, 09:09

Uqsas jańalyqtar