Ol para aldy degen kúdikke ilingen. Aıyptalýshy tarapqa vedomstvonyń taǵy bir eks-qyzmetkeri Aıdos Sebepov qosyldy. Ol Serik Turalıevpen birge para alýǵa kómektesken degen aıyp taǵyldy.
«27 sáýirde qylmystyq is qaıta sotqa joldandy. Qylmystyq iske Kaıýpov pen Turalıevke qosa Sebepov ta aıyptalýshy retinde qosylǵan. Aıyptaý qorytyndysyna sáıkes, Kaıýpov BQO densaýlyq saqtaý basqarmasynyń basshysy bola otyryp, JShS-men 78 mıllıon teńgeden asa somaǵa jabdyqty jetkizýge arnalǵan memlekettik satyp alý týraly shart jasasqan. Keıin JShS dırektorynan oryndalǵan jumystar aktisine kedergisiz qol qoıyp, medısınalyq jabdyqty qabyldaǵany úshin shart somasynyń 10 paıyzyn talap etken. Kaıýpov Turalıev pen Sebepovtyń kómegimen 2020 jyldyń 14 qazanynda 3,4 mıllıon teńge, al 23 qazanda 4,4 mıllıon teńge para aldy dep aıyptalyp otyr» , dedi oblystyq sot baspasóz qyzmeti ókilderi.
Alaıda prokýror iske taǵy bir tulǵa - Aıdos Sebepovtyń qatysy bolýy múmkin degen nusqamen isti tergeýge qaıtarý týraly ótinish bildirdi. Bolatbek Kaıýpov pen Serik Turalıevtiń ózi sot talqylaýy kezinde ol týraly birneshe ret aıtqan, al kýáger Býlekova bastapqyda Turalıev Aıdostyń atynan kelgenin aıtqan bolatyn.
Aıta keteıik, 2021 jyldyń aqpanynda memlekettik aıyptaý tarapy ótinishi boıynsha qylmystyq is úshinshi tulǵany qylmystyq jaýapkershilikke tartý qajettiligine baılanysty prokýratýraǵa qaıtarylǵan bolatyn. Sot prosesi barysynda oǵan qatysýshylar densaýlyq saqtaý basqarmasynda jumys istegen Aıdos Sebepovtyń esimin birneshe ret ataǵan. Sottalýshy Turalıev JShS ókilderimen kezdesip, onyń nusqaýy boıynsha áreket etkenin aıtty. Kaıýpovtyń ózi Sebepov senimdi dosy ekenin aıtqan.
