«Elimiz Táýelsizdik alǵaly 30 jyl ishinde ardagerler men tyl eńbekkerlerine qamqorlyq kórsetý, olardyń ómir súrý sapasyn arttyrý – memlekettiń áleýmettik saıasatynyń basty basymdyqtarynyń biri bolyp kele jatyr.
Qart adamdardy áleýmettik qorǵaý sharalary ortalyq jáne jergilikti deńgeılerde júzege asyrylady. Jyl saıyn zeınetaqy jáne ózge de áleýmettik tólemder kólemi ulǵaıýda. 2021 jylǵy 1 qańtardan bastap bazalyq zeınetaqy 5 paıyzǵa jáne yntymaqty zeınetaqy 7 paıyzǵa, áleýmettik tólemder 5 paıyzǵa arttyryldy. Qabyldanyp jatqan sharalar halyqaralyq praktıkada qoldanylyp júrgen joǵaltylǵan tabysty almastyrý standartyn (40%) arttyrýǵa múmkindik berdi, ol Qazaqstanda bazalyq jáne ortaq zeınetaqy tólemderi esebinen 49,9 paıyzdy quraıdy», dedi Erlan Áýkenov.
Onyń aıtýynsha, ózge áleýmettik tólemderge qaramastan, azamattardyń 20 paıyzy (onyń ishinde soǵysqa qatysýshylar, tyl eńbekkerleri, aqtalǵan azamattar jáne t.b.) arnaýly memlekettik járdemaqy alady. Osy jyldyń 1 mamyrdaǵy jaǵdaı boıynsha zeınetaqyny eskergende áleýmettik tólemderdiń ortasha jıyntyq mólsheri, ekinshi dúnıejúzilik soǵysyna qatysýshylary úshin – 182 851 teńge, ekinshi dúnıejúzilik soǵysy múgedekteri úshin – 188 051 teńge, basqa memleketter aýmaǵyndaǵy soǵys ardagerlerine (Aýǵanstanda, Vetnamda, Aljırde, Egıpette, Irakta jáne t. b.) – 198 801 teńge, ekinshi dúnıejúzilik soǵys qatysýshylaryna teńestirilgen adamdar úshin – 154 638 teńge, ekinshi dúnıejúzilik soǵys múgedekterine teńestirilgen adamdar úshin-119 562 teńge, ekinshi dúnıejúzilik soǵys jyldaryndaǵy tyl eńbekkerlerine - 120 112 teńgeni quraıdy.
«Sondaı-aq jergilikti atqarýshy organdar bıýdjet jáne demeýshilik qarajat esebinen ardagerlerge qıyn ómirlik jaǵdaıda nemese mereke kúnderi materıaldyq kómek túrinde qosymsha áleýmettik qoldaý sharalaryn kórsetedi. Oǵan turǵyn úıdi jóndeý, otynmen qamtamasyz etý, qoǵamdyq kólikte jol júrý jeńildikteri, dári-dármekpen qamtamasyz etý, tis protezdeý jáne taǵy basqalar kiredi», dedi vıse-mınıstr.
