Aqtóbede sýǵa túsý maýsymy bastalǵan joq. Eskertýge qaramastan belgilenbegen jerde sýǵa túsken adamdar jaǵaǵa qaıta shyqpaı qalǵan.
«Birinshi jaǵdaı̆ Qobda aýdanynyń Qobda ózeninde tirkeldi. 1996 jyly týǵan azamat mas kúı̆inde sýǵa túsip, batyp ketken. Qutqarýshylardyń kúshimen azamattyń denesi 4 metr tereńdikten jaǵaǵa shyǵaryldy.
Al 8 mamyr kúni Aqtóbe qalasyndaǵy Jińishke ózeninde belgisiz adamnyń denesi tabylǵany týraly habarlama kelip tústi. Oqıǵa ornyna qutqarýshylar jedel túrde jiberilip, ózen jaǵasynan 2 metr qashyqtyqta jáne 1 metr tereńdikten 1944 jyly týǵan áı̆eldiń denesi sýdan shyǵaryldy. Aı̆ta ketý kerek qaza bolǵan azamatsha syrt kıimin sheshpegen. Oqıǵanyń mán-jaı̆yn anyqtaý úshin polısııa qyzmetkerleri tergeý júrgizip jatyr», dep habarlady oblystyq TJD baspasóz qyzmeti.
Sondaı-aq 9 mamyr kúni Hromtaý aýdanyndaǵy Oı̆sylqara ózeninde qaıǵyly jaǵdaı tirkeldi. Aýdandyq polısııa bóliminiń málimetine sáı̆kes, 1960 jyly týǵan azamat joldastarymen balyq aýlaýǵa baryp, mas kúı̆inde syrt kıimmen sýǵa túsip ketken. 61 jastaǵy azamattyń denesi qasynda bolǵan kýágerlerdiń kúshimen jaǵaǵa shyǵarylǵan.
