Qazaqstan Parlamenti Senatynyń depýtattary men Apparat qyzmetkerleri órtten qaza tapqandardyń týystary men jaqyndaryna qaıǵyryp kóńil aıtty jáne zardap shekkenderdiń tezirek saýyǵyp ketýine tilektestikterin jetkizdi.
«Bul jaǵdaı Prezıdentimizdiń tikeleı baqylaýynda. Memlekettik organdar Rıdder turǵyndaryna barlyq qajetti kómekti kórsetedi. Bul óte qıyn jaǵdaı ekeni sózsiz. Osyndaı syn-saǵatta bárimiz birlesip, kómekke muqtaj azamattarǵa qoldaý kórsetýimiz kerek. Parlament Senatynyń jáne jeke óz atymnan órt saldarynan qaıtys bolǵan azamattyń jaqyndaryna qaıǵylaryna ortaqtasyp, kóńil aıtamyn. Sondaı-aq, zardap shekkenderdiń tezirek saýyǵyp ketýlerine tilektespiz», dedi Máýlen Áshimbaev.
El Prezıdentiniń tapsyrmasy boıynsha Úkimet pen Shyǵys Qazaqstan oblysynyń ákimdigi qazir órtten zardap shekken qala turǵyndaryna kómek kórsetýde jáne olardy turǵyn úımen qamtamasyz etý jumystarymen aınalysyp jatyr.
Osyndaı qıyn kezeńde senatorlar bir kúndik eńbekaqysyn órtten zardap shekkenderdiń kómek qoryna aýdarý jáne Rıdder turǵyndaryn qoldaý jóninde sheshim qabyldady.
Aıta keteıik, Májilismender de Rıdderde zardap shekkenderge kómek kórsetý úshin bir kúndik jalaqysyn aýdardy.
Palata Spıkeri Nurlan Nyǵmatýlınniń tóraǵalyǵymen Májilis Bıýrosy Rıdderdegi turǵyndarǵa kómek kórsetý úshin Májilis depýtattarynyń bir kúndik jalaqysyn aýdarý týraly qaýly qabyldady.
