Tekserýge kelgen polısııa jas jigitterdiń zańsyz turyp kelgenin anyqtaǵan. Kóshi-qon qyzmetiniń qyzmetkerleri jınalǵan materıaldardy Petropavl qalasynyń PB anyqtaý bólimine tapsyrdy. Atalǵan fakti Qylmystyq kodekstiń - «Qazaqstan Respýblıkasynyń Memlekettik shekarasyn qasaqana zańsyz kesip ótý» baby boıynsha Sotqa deıingi tergep-tekserýlerdiń biryńǵaı tizilimine engizildi.
«Ne qazaq, ne orys tilderin bilmeıdi, biz aýdarmashy arqyly tildestik. Aıtýlaryna qaraǵanda olar mektepti jýyrda aıaqtaǵan. О́z elderinde bolashaqtarynyń jarqyn bolaryna kúmándanǵan jastar Batys Eýropaǵa jetip, bosqyndar mártebesin alýdy kózdegen. Qazirgi ýaqytta sheteldikterdiń QR aýmaǵynda zańsyz bolýlarynyń mán-jaılary anyqtalýda», dep habarlady Petropavl qalasy PB AB bastyǵy, polısııa maıory Dáýren Nyǵmetov.
