Foto: Ashyq derekkóz
Qylmys 2007 jyldyń qarasha aıynda Atbasar qalasynda bolǵan. Belgisiz adam sharýa qojalyǵy ıesiniń garajda turǵan kóliginen 300 myń teńge urlap ketken. Ol kezde bul qomaqty qarajat sanalǵan.
Jábirlenýshi polısııaǵa júgingennen keıin jedel-izdestirý sharalary júrgizilgenimen, kúdiktini sol kezde anyqtaý múmkin bolmaǵan. Alaıda krımınalıster oqıǵa ornyn muqııat tekserip, saýsaq izderin alyp, arnaıy bazaǵa saqtap qoıǵan.
Kóp jyl boıy qylmys ashylmaı kelgen. Tek bıyl kóktemde atbasarlyq jedel ýákilder kúdiktiniń izine qaıta túsken. Jergilikti turǵyn esirtki qylmysyna qatysty tergeý barysynda polısııanyń nazaryna ilikken.
Tergeý kezinde er adamnyń saýsaq izderi alynyp, krımınalıstıkalyq eseppen salystyrylǵan. Nátıjesinde olar 19 jyl burynǵy urlyq ornynan tabylǵan izdermen tolyq sáıkes kelgen.
Qazir kúdiktiniń atalǵan qylmysqa qatysy bary anyqtalyp, er adam kinásin moıyndaǵan. Polısııa ókilderi eski qylmystardy ashý jáne jazanyń bultartpaý qaǵıdatyn qamtamasyz etý erekshe baqylaýda ekenin atap ótti.
Eske salaıyq, Qaraǵandy oblysynda urlyq,bopsalaý,alaıaqtyqpen aınalysqan qylmystyq top ustaldy.
Fransýzdyq rejısser Romen Gavras «ǵasyr urlyǵy» dep atalǵan Lývrdaǵy atyshýly urlyq týraly fılm túsiredi.
