BQO polısııa departamentiniń resmı ókili Bolatbek Belgibekov málim etkendeı, oqıǵa 11 mamyr kúni saǵat 12.00 shamasynda bolǵan. «Shkoda Oktavııa» avtokóliginiń 40 jastaǵy júrgizýshisi Isataı-Mahambet kóshesi boıynda halyqqa qyzmet kórsetý ortalyǵy mańynda jol qaýipsizdigin qamtamasyz etpeı, rettelmeıtin jaıaý júrginshi ótkelinen ótip bara jatqan 1976 jylǵy áıeldi qaǵyp ketken.
Jol apaty saldarynan áıel aýrýhanaǵa jetkizildi. Avtokólik arnaıy turaqqa qoıyldy. Oblystyq densaýlyq saqtaý basqarmasynyń baspasóz qyzmeti naqtylaǵanyndaı, jedel járdem saǵat 12.09-da shaqyrylyp, brıgada 5 mınýttan keıin jetken.
Aldyn ala málimetke qaraǵanda, áıel ashyq bas-mı jaraqatyn alǵan. О́kshesi, oń jaq jilinshigi synǵan. Zardap shegýshi oblystyq kópbeıindi aýrýhanaǵa jatqyzyldy.
