Kún radıasııasyna kórinetin jaryq, jylý energııasy jáne ýltrakúlgin sáýleler kiredi. Árqaısymyz kúnniń ýltrakúlgin sáýleleriniń áserine ushyraımyz.
ÝK-ındeks halyqqa kúnnen qorǵaıtyn quraldardy qoldaný qajettiligi týraly eskertýdiń mańyzdy quraly bolyp tabylady. Ol úshin jyl saıyn mamyrdan qyrkúıekke deıin «Qazgıdromet» RMK www.kazhydromet.kz saıtynda ýltrakúlgin radıasııanyń ındeksin boljaýdyń apta saıynǵy bıýlletenin shyǵarady.
Bıýlletende ýltrakúlgin sáýlelenýdiń deńgeıleri jáne aldaǵy aptaǵa ÝK-ındeksiniń boljamdy mánderi usynylady.
Mysaly, ÝK ındeksiniń máni 2-den tómen bolsa, densaýlyqqa qysqa merzimdi jáne uzaq merzimdi zııan keltirý qaýpi az bolady. Indekstiń ortasha, joǵary mánderinde kúnnen qorǵaýdyń barlyq ádisterin qoldaný usynylady, ıaǵnı durys kıim, kózildirik, krem, kúnnen qorǵaıtyn zattar jáne t.b.
ÝK-ındeksiniń boljamdyq mánderi Nıderlandydaǵy «Royal» meteorologııalyq ınstıtýtynyń modeli boıynsha eseptelgen.
