Qoǵam • 12 Mamyr, 2021

Kárim Másimov Terrorızmge qarsy ortalyqtyń kezekten tys otyrysyn ótkizdi

961 ret

kórsetildi

1 mın

oqý úshin

Memleket basshysynyń tapsyrmasy boıynsha 12 mamyrda Nur-Sultan qalasynda UQK Tóraǵasy Kárim Másimov Qazaqstan Respýblıkasy Terrorızmge qarsy ortalyǵynyń kezekten tys otyrysyn ótkizdi, dep habarlaıdy Egemen.kz.

Gaýhar QAPASh

Kárim Másimov Terrorızmge qarsy ortalyqtyń kezekten tys otyrysyn ótkizdi

Is-shara barysynda Reseı Federasııasynyń Qazan qalasyndaǵy № 175 mektep-gımnazııasynda jaqynda oryn alǵan qaıǵyly oqıǵanyń mán-jaıy qaraldy.

Qazaqstan Respýblıkasyndaǵy bilim berý mekemeleriniń aǵymdaǵy qaýipsizdik jaı-kúıi jáne oqýshy jastardyń radıkaldanýyna jol bermeý boıynsha qabyldanyp jatqan sharalar talqylandy.

Bilim berý júıesi obektilerin kirýdi baqylaý men dabyl belgisin berýdiń tıisti tehnıkalyq quraldarymen nyǵaıtý boıynsha sheshimder ázirlendi.

Jastar ortasynda zorlyq-zombylyq aksııalaryn nasıhattaý jáne ony daıyndaý belgilerin anyqtaý mánine áleýmettik jeliler men Internetti monıtorıngteý tıimdiligin arttyrý joldary aıqyndaldy.

Balalar men jasóspirimder arasynda quqyq buzýshylyqtardyń aldyn alý, sondaı-aq olarǵa ýaqtyly psıhologııalyq kómek kórsetý sharalary jetildirildi.

TQO otyrysynyń nátıjeleri boıynsha tıisti hattamaǵa qol qoıyldy.