Kelissózder barysynda QR jáne QHR SIM basshylary saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń keń aýqymdy máseleleri talqylandy. Mınıstrler halyqaralyq ózekti máseleler boıynsha «saǵattardy teńestirdi». Joǵary jáne asa joǵary deńgeıdegi baılanystardy jandandyrý qajettiligi, sondaı-aq parlamentaralyq baılanystardy damytýdyń mańyzdylyǵy atap ótildi.
«Bizdiń elderimiz pandemııa kezinde joǵary senim deńgeıine tolyq adaldyǵyn kórsetti. О́zara qoldaý qıyn sátterde eki el arasyndaǵy shynaıy dostyq qarym-qatynastyń úlgisi boldy», dedi M.Tileýberdi.
Qazaqstan SIM basshysy óziniń áriptesin QR Úkimetiniń COVID-19 pandemııasymen kúrestegi sharalary jáne otandyq QazVac vaksınasyn qoldanýdyń bastalýy týraly habardar etti. Qazaqstan Qytaıdyń koronavırýstyq indetke qarsy kúrestegi mańyzdy sharalaryn joǵary baǵalady.
QHR Syrtqy ister mınıstri Van I Qazaqstanmen ekijaqty qarym-qatynastar Qytaı dıplomatııasyndaǵy basymdyqtardyń biri ekenin atap ótti. Qytaı Qazaqstanmen barlyq salada ekijaqty yntymaqtastyqty ilgeriletý máseleleri boıynsha jumys isteýge daıyn ekenin basa aıtty.
Mınıstr R.Kazakbaevpen ekijaqty kezdesý barysynda taraptar saıası jáne ekonomıkalyq yntymaqtastyq máselelerin, onyń ishinde ekijaqty taýar aınalymyn ulǵaıtý, ózara ınvestısııalardy qorǵaý jáne sý-energetıka salasyndaǵy yntymaqtastyq joldaryn talqylady. Ortalyq Azııadaǵy ahýal, halyqaralyq jáne ıntegrasııalyq birlestikter sheńberindegi ózara is-qımyl týraly jan-jaqty pikir almasty.
M.Tileýberdi elder arasyndaǵy senimdi qatynastar aldaǵy ýaqytta da bizdiń memleketterimizdiń strategııalyq áriptestigin odan ári tereńdetý, barlyq salalarda syndarly dıalogty ósirý úshin berik negiz bolatynyn atap ótti.
