«Tek birigip qana biz barlyq qıyndyqty jeńe alamyz. Bul jaǵdaıda da jerlesterimizge kómek kórsetý kerek. Barlyq janashyr turǵyndar men kásipkerlerdi órt saldarynan zardap shekken jerlesterimizge kómek kórsetýge shaqyramyn», dedi «Fırma Azııa» JShS dırektory Sáýle Dosqojanova.
Aıta keteıik, qala kásipkerleri 15 tonnaǵa jýyq azyq-túlik jınady. «Agrofırma – Prırechnyı» JShS 5 tonna pııaz jáne 5 tonna qyryqqabat bóldi. «Aı-Ar» JShS 350 kg 1 surypty un, «AQ-nan KZ» JShS 250 kg un, «Semnan» JShS-i óz óndirisiniń unnan jasalǵan kondıterlik ónimderin, atap aıtqanda, 10 qorap pechene, 10 qorap qytyrlaq nan jáne sonsha tátti toqashtar jiberdi.
«Semei Qus» JShS 2 sanattaǵy 10 qorap jumyrtqa, al «Aprel» kópfýnksıonaldy kesheni gýmanıtarlyq kómek úshin 50 kg kúrish, 100 kg makaron ónimderi, 50 kg qaraqumyq jarmasy, 50 lıtr kúnbaǵys maıy, sondaı-aq 50 kg un men qant bóldi.
12 mamyr kúni atalǵan kómek qory jınalǵan eki júk kóligi Semeıden Rıdder qalasyna jóneltildi.
