Oblystyq TJD málimetinshe, oqıǵa týraly habarlama 12 mamyr kúni túngi 22.29-da túsken. Bes jáne alty jasar eki bala Aqtóbe mańyndaǵy Bekqul baba aýylyndaǵy Jaman Qarǵaly ózenine batyp ketken.
Oqıǵa ornyna jedel-qutqarý jasaǵynyń súńgýirleri men TJD psıhologtary shyqty. Olar jetkenshe aýyl turǵyndary sýdan 5 jasar balanyń máıitin alyp shyǵaqqan.
Keıin balalar úlkenderdiń qaraýynsyz qalyp, sýǵa kıimsiz túskeni belgili boldy. Saǵat 00.09-da qutqarýshylar jaǵadan úsh shaqyrym jerde, jeti metr tereńdikten ekinshi balanyń denesin tapty, ol alty jasta bolǵan.
Aqtóbe oblysynyń TJD ókilderi ata-analarǵa balalaryna sýdaǵy qaýip týraly eskertip, olardy qaraýsyz qaldyrmaýdy ótindi.
Aıta keteıik, jyl basynan beri Aqtóbe oblysynda bes adam sýǵa batyp ketti, olardyń úsheýi - eresek, ekeýi - bala.
