Qoǵam • 14 Mamyr, 2021

«Mereıli otbasy» Ulttyq baıqaýy bastaldy

248 ret kórsetildi

Búgin QR Aqparat jáne qoǵamdyq damý mınıstri Aıda Balaevanyń tóraǵalyǵymen «Mereıli otbasy» Ulttyq baıqaýyn ótkizý jónindegi jumysty uıymdastyrý komıtetiniń otyrysy ótti, dep habarlaıdy Egemen.kz.

Uıymdastyrý komıtetiniń quramyna Parlament Senatynyń depýtaty, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, óńir ákimderiniń orynbasarlary, mınıstrlik ókilderi, Buqaralyq aqparat quraldary, ÚEU-dar, belgili qoǵam qaıratkerleri kiredi.

Aqparattyq damý mınıstri A.Balaeva, adamgershilik qundylyqtardy jańǵyrtýǵa jáne otbasy mártebesin arttyrýǵa baǵyttalǵan ulttyq konkýrstyń ereksheligi men mańyzdylyǵyn atap ótti.

«Jyldaǵy dástúrmen bıyl da «Mereıli otbasy» ulttyq konkýrsyn bastaǵaly otyrmyz. Elbasynyń usynysymen qolǵa alǵan joba – búginde naǵyz halyqtyq merekege aınaldy. Jyl saıyn bul jobaǵa halyqtyń úlken qyzyǵýshylyqpen qatysyp júrgenin kórip otyrmyz. Joba bastalǵannan beri búginge deıin elimizdiń 15 myńnan astam januıasy osy baıqaýǵa qatysty. Munyń ózi – bizdiń qoǵamǵa otbasy qundylyǵyn dáripteıtin, úlgi kórsetetin erekshe jobaǵa aınalǵanyn kórsetedi dep bilemin», dedi A.Balaeva.

Sondaı-aq, shara barysynda baıqaýdy ótkizýdiń jańa ózgeristeri týraly aıtyldy. «Buryn respýblıkalyq deńgeıde bir ǵana otbasy jeńimpaz bolatyn. Aǵymdaǵy jyldan bastap óńirlik deńgeıde jeńimpaz atanǵan 17 otbasynyń barlyǵyna da Konkýrs laýreaty ataǵy berilip, birdeı marapattalatyn bolady», dep atap ótti A.Balaeva.

Sonymen qatar bıyl konkýrs nátıjesi boıynsha marapattaý quramyna azamattyq qoǵam ókilderi ǵana emes,  konkýrstyń burynǵy jeńimpazdary da qatysady. Jeńimpazdardy anyqtaý men baǵalaý boıynsha balldyq júıege jańa sharttyq ózgerister engizilgen.

Eske sala keteıik, «Mereıli otbasy» ulttyq baıqaýyna qujattar qabyldaý 15 maýsymǵa deıin jalǵasady.

Baıqaý laýreattaryn marapattaý rásimi jyl saıynǵydaı qyrkúıek aıynda, Otbasy kúni qarsańynda saltanatty túrde ótkiziledi.

 

Sońǵy jańalyqtar

Erbosynulyn aýyr synaq kútip tur

Kásipqoı boks • Búgin, 18:55

Bes oblysta qolaısyz aýa raıy kútiledi

Qazaqstan • Búgin, 18:35

Maıdannan 10 uly aman oralǵan ana

Tarıh • Búgin, 17:25

Shymkentte karantın merzimi uzartyldy

Aımaqtar • Búgin, 17:20

Aqmola oblysynda mektep órtendi

Aımaqtar • Búgin, 15:29

Qazaqstanda jańa salyqtar engiziledi

Qazaqstan • Búgin, 15:16

44 zańǵa ózgerister engizilýi múmkin

Parlament • Búgin, 14:58

Mınasıan bas bapker qyzmetinen ketti

Fýtbol • Búgin, 14:53

Oralda 10 jasar qyzdy kólik qaǵyp ketti

Aımaqtar • Búgin, 14:37

Ekpe saldyrýda belsendilik baıqalady

Koronavırýs • Búgin, 14:10

Qaraǵandyda 107 keli balyq tárkilendi

Aımaqtar • Búgin, 13:41

Charlo shaıqasqa shaqyrýdan sharshamaıdy

Kásipqoı boks • Búgin, 13:27

Almaty «qyzyl» aımaqtan qashan shyǵady?

Koronavırýs • Búgin, 12:58

Uqsas jańalyqtar