Oblystyq Polısııa departamentiniń málimetinshe, bıyl jyl basynan beri 67 jol-kólik oqıǵasy tirkelgen. (2020 jyly 65 jol-kólik oqıǵasy). Jol-kólik oqıǵasynyń basym bóligi eldi mekenderde, respýblıkalyq jáne halyqaralyq mańyzy bar joldarda bolady.
«Aqtóbe oblysynyń aýmaǵynda 1-10 mamyr aralyǵynda adam ólimimen aıaqtalǵan jol-kólik oqıǵasynyń 28 faktisi anyqtalyp, nátıjesinde 34 adam qaza tapty. Bir jol-kólik oqıǵasy Arynov kóshesinde boldy.
Úsh aı buryn júrgizýshi kýáligin alǵan 18 jastaǵy júrgizýshi jol qozǵalysy erejeleriniń talaptaryn elemeı, joldyń júris bóliginen rettelmeıtin jaıaý júrginshiler ótkelinde eki adamdy qaǵyp ketti, nátıjesinde olar kóz jumdy, úsh bala jetim qaldy.
Otbasylyq jup tórtinshi balasynyń jaryq dúnıege kelýin kútken eken. Bul jaǵdaıdan kólik júrgizýshileriniń meteorologııalyq jáne jol jaǵdaılaryn eskermeıtindigin, jyldamdyq rejımin saqtamaıtyndyǵyn, qarama-qarsy qozǵalys jolaqtaryna shyǵyp, basyp ozý manevrin jasaıtyndyǵyn, jaıaý júrginshilerge jol bermeı, qozǵalys qaýipsizdigine kóz jetkizbeıtindigin kórsetedi. Nátıjesinde, jaýapsyzdyq saldarynan qaıǵyly jaǵdaılar oryn alyp jatady», deıdi oblystyq Polısııa departamentiniń ókilderi.
Osyǵan baılanysty Polısııa departamenti kólik júrgizýshilerinen joldarda muqııat bolýdy suraıdy, óıtkeni oılanbaı istegen árekettiń arty jazataıym oqıǵaǵa ákelip soqtyrady.
