Alataý bókterindegi jıyn aıaqtalǵannan keıin bizdiń sportshylar 11-13 maýsym aralyǵynda Fransııanyń astanasy – Parıjde ótetin lısenzııalyq týrnırge attanady. Kúni keshe ǵana aıtýly jarysta qyzdarymyz qandaı quramda óner kórsetetini belgili boldy.
50 kılo salmaqta Syr boıynyń sulýy, Azııa chempıony Móldir Jańbyrbaı kúsh synasady. 55 kılo salmaq dárejesinde mańǵystaýlyq Sabına Zaharovaǵa senim artylyp otyr. Ol qurlyq birinshiliginiń qola júldegeri. Asa aýyr salmaqta Sofıa Berýlseva (+68 keli) aıqas alańyna shyǵady. 21 jastaǵy Shymkent qalasynyń týmasy jastar arasynda álem jáne Azııa chempıony atanyp, áıelder saıysynda da kóptegen halyqaralyq jarystarda top jardy.
Al erler arasynda ótetin týrnırde Qazaq eli namysyn kimderdiń qorǵaıtyny taıaý kúnderi belgili bolady.
Esterińizge sala keteıik, ázirge Qazaqstan qurama komandasynyń qorjynynda bir ǵana joldama bar. Onyń ıegeri – 67 kılo salmaqtaǵy Darhan Asadilov. Al Parıjdegi jarysta alǵashqy úshtikke engen sportshylar ǵana Tokıoda alaýy tutanatyn Olımpııa oıyndaryna qatysatyndardyń tizimine qosylady.
