16 mamyrda óńir turǵyndarynyń arasynda 70 adamnyń indetke shaldyǵýy jaǵdaıdy kúrt ózgertti. Ázirge oblystyń bas sanıtarlyq dárigeriniń epıdemıologııalyq jaǵdaıdyń kúrt ózgerýine baılanysty jańa qaýlysy shyqqan joq. Degenmen, mektep oqýshylary men olardyń ata-analary sońǵy oqý aptasynyń qalaı ótetinine erekshe alańdaýly. О́ıtkeni 11 mamyrdan beri Aqtóbe qalasy men aýdan ortalyqtaryndaǵy barlyq orta mektepter esikteri qaıta ashylyp, dástúrli oqýǵa kóshken edi.
Mamyr aıynyń basynan koronavırýs indetine shaldyqqandar sany aıtarlyqtaı azaıǵandyqtan, senbi jáne jeksenbi kúnderi oblys ortalyǵyndaǵy barlyq bazarlar men jabyq saýda oryndary, monshalar men saýnalar ashylyp, dámhanalar men meıramhanalardyń 50 adamǵa deıin qyzmet kórsetýlerine ruqsat etilgen bolatyn. Munymen bir kezde joǵary oqý oryndary men kolledj stýdentteri de dástúrli oqý formatyna qaıta oralyp, koronavırýs indeti qaýpiniń azaıǵandyǵyna turǵyndar senimdi bola bastaǵan. Kesheli beri oblys aýmaǵynda kún qatty ysyp, turǵyndar jazdyń erte bastalǵanyn sezingendeı boldy. Alaıda bir kúnniń ishinde epıdemıologııalyq jaǵdaıdyń kúrt ózgerýi saqtyq sharalaryn saqtamasaq, juqpaly indettiń qaıta asqynatyndyǵyn bildirdi.
Aıta ketý kerek, 16 mamyrdaǵy jaǵdaı boıynsha, «qyzyl aımaqta» Nur-Sultan, Almaty qalalary, Aqmola, Batys Qazaqstan, Qaraǵandy, Pavlodar, Aqtóbe, Almaty oblystary tur.
Aqtóbe oblysy
