О́ńir basshysy Jeńis Qasymbek ótken qysta bolǵan jaǵdaılardy nazarǵa alyp, qolda bar resýrstardy durys bólý kerektigin eskertti.
«О́tken qys jumysta irkilister boldy. Ásirese, Qaraǵandynyń Oktıabr aýdanynda jáne Temirtaýda. JEO-2 jáne JEO-3 jumysynda úlken máseleler bar ekenin kórdik. Jylý jelileriniń jaǵdaıyna qatysty da problemalar da bar. Olardy tez arada sheshý kerek», dedi oblys ákimi.
Energetıka jáne TKSh basqarmasynyń basshysy Ulantaı Úsenov óńirdiń segiz jylý elektr stansııasynda 26 qazandyq pen 15 týrbınany jóndeý josparlanǵanyn habarlady. Jóndeý naýqany kestege sáıkes bastaldy.
Temirtaýda JEO-2 qýatyn keńeıtý úshin jetinshi qazandyqtyń qurylysy mańyzdy joba bolyp qala beredi. Qazirgi ýaqytta jol kartasy ázirlendi. «ArselorMıttal Temirtaý» kompanııasy merdigerlerdi tańdaý úshin jabdyqtardy montajdaýǵa jáne ǵımaratty jóndeýge tenderler ótkizedi. Mamyr aıynyń sońynda kelisimsharttar jasalady dep kútilýde, sodan keıin jumys bastalady.
Jylý jelilerin jańǵyrtý boıynsha birqatar jobalar iske asyrylýda. Oblys ortalyǵynda «Nurly jol» baǵdarlamasy boıynsha Ońtústik-Batys qurylys aýdanynda jylý magıstrali qaıta jańǵyrtylady.
Bıyl Qaraǵandyda úshinshi jylý qubyrynyń qurylysy bastalady.
