«Bizde biryńǵaı zeınetaqy jınaǵynan 200 myń adam aqshasyn aldy. Olar 950 mlrd teńgeni alyp, paıdaǵa jaratty. Baıqasańyz, alynǵan soma 1 trln teńgege taıap qaldy. Zeınetaqysynan aqsha alǵan adamdardyń árbir úshinshisi (950 mlrd teńgeniń – 70 paıyzyn) qarajatty tolyq satyp alý úshin jumsady. Buǵan deıin ıpotekalardyń ósimi jaǵynan, merziminen buryn qaryzdy jabý boıynsha ártúrli boljamdar aıtylǵan edi. Áıtse de 55 myń adam sol aqshany paıdalanyp, ıpotekany ýaqytynan buryn japty. Ol qajettilikke 200 mlrd teńge jumsaldy», dedi Lázzat Ibragımova onlaın rejımde VIII CFO sammıtinde.
Sonymen qatar ol zeınetaqy jınaǵyn paıdalanyp, 11 myń adam jańadan ıpoteka (70 mlrd teńge) alǵanyn tilge tıek etti.
«Shynynda da, qańtar, aqpan jáne naýryz aılarynda aqparattyq anomalııa júrgen sekildi. Ulttyq statıstıka bıýrosy ártúrli sandardy jarııalady. Oǵan senýdiń asa qajettigi joq. Korreksııa menińshe, jyldyń ekinshi jartysynda júredi. Jalpy bizdiń bankte jylyna 300 myńǵa tarta kelisimshart jasalady. Áıtse de zeınetaqy jınaǵynyń paıdaǵa jaraýyna baılanysty bul ósim 80 myńǵa artty. Desek te, kelisimsharttardyń bul deńgeıde kóterilýi – baspana naryǵyna asa bir tóńkeris ákele qoımaıdy. Jyldyń ekinshi jartysynda qalypty korreksııa paıda bolady», deıdi ol.
