Atalǵan is-shara «Nur-Sultan qalasy Ishki saıasat basqarmasy» MM uıytqy bolýymen «Otbasy qundylyqtaryn nasıhattaý jáne genderlik mádenıetti qalyptastyrý» jobasy aıasynda «Rýhanı qoǵam álemi» qoǵamdyq qorynyń uıymdastyrýymen ótti. Onlaın oqý kýrsyna qoǵam belsendileri men qaıratkerleri qatysty.
Spıker retinde Qazaqstan psıhologter lıgasynyń múshesi – Qoıshıeva Lımana, Nur-Sultan qalasy áıelder isi jáne otbasylyq-demografııalyq saıasat jónindegi komıssııa hatshysy – Bısembaeva Sáýle, «Aqnıet» aqparattyq-nasıhattaý jáne ońaltý ortalyǵynyń» teolog-keńesshisi, kópbalaly áke – Rahymjan Saǵynaı jáne «Qarashańyraq» jobasynyń avtory, jýrnalıst, qoǵam belsendisi – Sháken Turar sóz sóıledi. Al ekinshi kúni, «Qarashańyraq» RQB quryltaıshysy, qoǵam qaıratkeri – Shanaı Názıpa, sondaı-aq qoǵam qaıratkeri, «Úsh baılyq» QB basshysy – Asanǵazy Orazkúl de boldy.
Semınar-trenıngte aǵa býyn ókilderi óskeleń urpaqtyń bolashaǵyna alańdaýshylyq bildirip, qoǵamda bolyp jatqan túıtkildi máselelerge toqtaldy. Máseleniń basy jýyrda bolǵan Qazan qalasyndaǵy qanquıly jaıtqa qatysty órbidi. Is-sharanyń maqsaty – jas býyn tamyrynan ajyramaı, tarıhqa qurmetpen qarap, ata-dástúrdi basqy qalpyndaı saqtap qalý. Osy oraıda komıssııa hatshysy Sáýle Bısembaeva sharany ashyp, balalardyń qaýipsizdigine qatysty oı qozǵady.
«Qazan qalasynda bolǵan tosyn jaǵdaı bárimizdiń janymyzǵa qatty batty. Sondyqtan ata-ana bala tárbıesine nemquraıdy qaramaı, meılinshe, qoǵamda óz ornyn taýyp, tulǵa retinde qalyptasýyna úles qosýy qajet», deıdi ol.
Sonymen birge kelesi sóz kezegin teolog Rahymjan Saǵynaı alyp, otbasyndaǵy áke mártebesi taqyrybyn keńinen tarqatyp berdi.
«Qazirgi tańda er azamattar jumysbastylyǵyn alǵa tartyp, bala tárbıesin áıel zatyna ıterip qoıdy. Onyń ústine, áıelderdiń bári úıde otyrǵan joq. Sol sebepti áıel balasy jumysymen qosa, úı sharýysynda birge alyp júrý kerek túsinik qoǵamda beleń aldy», dedi teolog.
Osy tusta teolog er adamdardyń bala tárbıesine kelgende jaýapkershilikti sezinip, áke ınstıtýtynyń berik bolýyn basa nazarda ustaý kerektigin aıtty.
Semınar-trenıngtiń kelesi kúninde til janashyry, qoǵam qaıratkeri Orazkúl Asanǵazy osy saýaldar aınalasynda óziniń paıymdy tujyrymdaryn ortaǵa salyp, ony qalyptastyrýda qalaı qolushyn berýge bolatynyn aıtyp ótti. О́zi de ana ári áje retinde ónegeli áńgimesin aıtyp, kelisti keńesterimen bólisti. Eki kúndik onlaın oqý kýrsy barysynda búgingi otbasynyń modeli qandaı bolý kerektigi aıtyldy jáne kýrs qatysýshylaryna sertıfıkat tapsyryldy.
