BUU Bas hatshysy Antonıý Gýterrıshtiń bastamasymen ótken vırtýaldy is-sharaǵa memleketter men úkimetterdiń basshylary, halyqaralyq uıymdardyń jetekshileri, iskerlik toptardyń ókilderi men sarapshylar qatysty.
Qasym-Jomart Toqaev óz sózinde koronavırýstan keıingi qaıta qalpyna keltirý isi qorshaǵan ortany qorǵaý máselesin halyqaralyq kún tártibindegi eń ózekti problema retinde qoıýǵa jaqsy múmkindik beredi degen pikir aıtty.
Memleket basshysy Qazaqstannyń kómirteginen ada ekonomıkany damytýdyń balamasy joq degen ustanymda ekenin jetkizdi. Onyń aıtýynsha, Qazaqstan TMD-da Parıj kelisimin birinshi bolyp ratıfıkasııalap, Ornyqty damý maqsatyna qol jetkizýge baǵyttalǵan belsendi klımattyq saıasatty alǵash qabyldaǵan el boldy.
Prezıdent Qazaqstannyń 2060 jylǵa qaraı kómirteginen taza el bolýǵa qol jetkizýge nıetti ekenin eske saldy. Bul bastama 2020 jyly jeltoqsanda ótken Klımattyń ózgerýine baılanysty mańyzdy mindetter jónindegi sammıt barysynda aıtyldy.
Qasym-Jomart Toqaev Qazaqstannyń álemde eń kóp energııa paıdalanatyn el ekenine nazar aýdardy. О́ıtkeni ónerkásiptiń 50 paıyzyn óndirýshi sektor quraıdy. Elektr energııasyn óndirýdiń shamamen 70 paıyzy burynǵysha kómirge táýeldi bolyp otyr.
Osyǵan baılanysty Memleket basshysy Qazaqstannyń ornyqty damýynda óndirýshi ónerkásiptiń ekologııalyq talaptarǵa saı bolýyn basty mindet jáne zor basymdyq dep atap ótti.
Prezıdenttiń aıtýynsha, qazirgi ýaqytta Qazaqstandy 2050 jylǵa deıin kómirtegin az paıdalanyp, damytý tujyrymdamasy ázirlenip jatyr.
– Kómir jaǵý saldarynan týyndaıtyn energetıkalyq teńgerimge táýeldilikti azaıtý úshin gaz jáne sý energetıkasyn damytý, jańartylatyn qýat kózderin paıdalaný sııaqty negizgi basymdyqtardy sheshýge baǵyttalǵan elektr energetıkasyn damytý jónindegi Ulttyq joba ázirlenedi. Budan bólek aldaǵy bes jyl ishinde Qazaqstanda 2 mıllıardqa deıin aǵash otyrǵyzylady, – dedi Qasym-Jomart Toqaev.
Memleket basshysy BUU Bas hatshysy Antonıý Gýterrıshtiń álem endi burynǵydaı bolmaıdy degen sózin qoldady. Bul rette Qasym-Jomart Toqaev birde-bir memlekettiń artta qalmaýy úshin belsendi túrde halyqaralyq kúshti jumyldyrýǵa shaqyrdy. Al 2030 jylǵa deıingi ornyqty damý maqsattaryna qol jetkizýge baǵyttalǵan kún tártibi tolyq iske asyrylýǵa tıis.
– Salıqaly saıasat pen ınvestısııalardyń arqasynda biz barynsha jahandyq jasyl ekonomıkaǵa qaraı bet bura alamyz. Bul maqsatqa qol jetkizý úshin jekemenshik, sondaı-aq, memlekettik sektorlar esebinen qajetti qarjy resýrstaryn jumyldyrý mańyzdy. Biz «COVID-19 pandemııasy kezeńinde damýdy qarjylandyrý salasyndaǵy halyqaralyq kúsh-jigerdi jumyldyrý» aıasynda kópjaqty is-qımyldy úılestirýdi qoldaımyz, – dedi Qazaqstan Prezıdenti.
Qasym-Jomart Toqaev naqty ári ekologııalyq qaıta qalpyna keltirý isi 2030 jylǵa deıingi ornyqty damýdyń kún tártibi men Parıj kelisiminde kórsetilgen mindetterdiń ajyramas bóligi ekenin atap ótti.
Memleket basshysynyń pikirinshe, 2021 jyl klımattyń jyldam ózgerýin jáne qorshaǵan ortanyń buzylýyn baıaýlatýǵa múmkindik berip otyr.
– Qorshaǵan ortany qorǵaýǵa baǵyttalǵan ıgi sharalardy saýda jáne ınvestısııalarǵa qarsy qoldanylatyn kedergige aınaldyrmaý asa mańyzdy. Men Qazaqstannyń osy ıgi bastamalardy naqty qoldaıtynyn rastaımyn, – dedi Prezıdent.
