Mınıstrdiń aıtýynsha, vaksınany halyqtyń 60 paıyzy ǵana saldyrsa, jaǵdaı osyǵan ákeledi.
Al naqty kórsetkishterge qarasaq, jazdyń úsh aıynda el turǵyndarynyń shamamen 80 paıyzy vaksına saldyrýy kerek. Bul jaǵdaıda vırýs juqtyrýshylar sany boljamdy túrde 70 myńǵa taıap qalady. Eger halyqtyń vaksına saldyrý kórsetkishi tipti artyp 95 paıyzy saldyryp úlgerse, jazǵy úsh aıda 61 myń adam ǵana juqtyrýy múmkin deıdi mınıstr. Biraq munyń bári halyqtyń belsendiligine baılanysty.
«Elimizde 3 mıllıondaı doza vaksına salynǵan. Onyń 2 mıllıonnan astamy birinshi bóligi bolsa, bir mıllıonǵa jýyǵy – ekinshi bóligin saldyrǵandar. Osy kúnderi búkil ekpe salý oryndarynda vaksınanyń birinshi bóliginen 320 myń, ekinshi bóliginen 650 myń doza daıyn tur. Bul jetkilikti», deıdi mınıstr.
