San-Paýlý ýnıversıtetiniń zertteýshileri ony birinshi Mokokadan alynǵan synamadan anyqtady, keıin ol Portý-Ferreırada keńinen taraǵan, eki eldi meken de San-Paýlý shtatynda ornalasqan. Búginde koronavırýstyń jańa túri eldiń eń baı jáne halqy kóp shtatynyń on qalasynda anyqtalǵan.
Ýnıversıtettiń zertteý derekteri tumaý men koronavırýs genomdary týraly aqparatqa erkin qol jetkizý úshin halyqaralyq GISAID uıymyna jibergen, onda vırýstyń bul túrine P4 degen ataý berildi.
Brazılııa vırýsologııa qoǵamynyń vıse-prezıdenti Joao Pessoa Araýjýdyń aıtýynsha, P4 kádimgi vırýsqa qaraǵanda qaýipti ekenin nemese odan da qatty juǵar-juqpasyn anyqtaý ázirshe múmkin emes. Sarapshylardyń pikirinshe, ol «brazılııalyq» P1 jáne P2, sondaı-aq «fılıppındik» P3 shtamyna uqsas.
«Bizdi onyń tez taraýy qatty alańdatyp otyr», dedi brazılııalyq vırýsolog.
Buǵan deıin Brazılııada koronavırýstyń eki shtamyn bir mezgilde juqtyrýdyń eki jaǵdaıy tirkelgen. Sarapshylardyń aıtýynsha, «brazılııalyq» koronavırýs jastarǵa qaýipti, óıtkeni jas naýqastar uzaq ýaqyt kútip, keıin ǵana medısınalyq kómekke júginedi.
