Álem • 26 Mamyr, 2021

Úndistan Qazaqstan jibergen gýmanıtarlyq kómekti joǵary baǵalady

78 ret kórsetildi

Úndistan osy elde jaqynda koronavırýstyń órshýine qarsy turý úshin dostas Qazaqstan jibergen gýmanıtarlyq kómekti joǵary baǵalady, dep habarlaıdy Egemen.kz QR Syrtqy ister mınıstrliginiń baspasóz qyzmetine silteme jasap.

Osyǵan baılanysty, birqatar úndi kompanııalarynyń basshylyǵy Qazaqstannyń Nıý-Delıdegi Elshiligine óz hattaryn joldap, búkil álem úshin osyndaı qıyn ýaqytta yntymaqtastyq pen qoldaý kórsetkeni úshin shynaıy rızashylyǵyn bildirdi.

«2021 jylǵy 13 jáne 14 mamyrda Qazaqstannan jetkizilgen medısınalyq kómek kóptegen adamdardyń ómirin saqtap qalýǵa kómektesetini sózsiz. Úndistandyqtar bul asyl ısharatty árqashan este saqtaıdy», dep kórsetilgen.

Budan buryn habarlanǵandaı, atalǵan kúnderi Nıý-Delı áýejaıyna jalpy salmaǵy 40 tonnaǵa jýyq gýmanıtarlyq kómek júgi bar eki qazaqstandyq áýe kemesi keldi. Kómektiń ishinde densaýlyq saqtaý salasyndaǵy qazaqstandyq óndirýshi kompanııalardyń medısınalyq maska, respırator, qorǵanys kostıým jáne ókpeni jasandy jeldetýdiń portatıvti apparattary bar.

Esterińizge sala keteıik, 2021 jylǵy 4 mamyrda Qazaqstan Prezıdenti Qasym-Jomart Toqaev Úndistan Premer-Mınıstri Narendra Modıge joldaý jibergen, onda «Úndistanda COVID-19 indetiniń qatty órshýine baılanysty qalyptasqan qıyn-qystaý kezeńde úndi eliniń qaıǵy-qasiretine ortaq ekenin jetkizgen» bolatyn, al 7 mamyrda Qazaqstan Úkimetine úndi tarapyna tıisti kómek kórsetýdi tapsyrdy.

Qazaqstan men Úndistandy eki el halyqtary arasyndaǵy dástúrli dostyq pen ózara janashyrlyq rýhynda strategııalyq áriptestik qatynastar biriktiretinin atap ótken jón.

Sońǵy jańalyqtar

Muhtar men Qaıym

Qazaqstan • Keshe

Elde qylmys azaıǵan

Qoǵam • Keshe

Aqań jáne qazaq radıocy

Ahmet Baıtursynuly • Keshe

Qaıratkerdiń batyl qadamy

Rýhanııat • Keshe

Rýhty jyrdyń ıesi

Ádebıet • Keshe

Astanadaǵy asa iri jarys

Tennıs • Keshe

Uqsas jańalyqtar