Jasóspirimdi izdestirý jumystaryna oblystyq departament pen qalalyq polısııa basqarmasynyń jeke quramy, eriktiler jáne jergilikti turǵyndar jumyldyryldy. Izdeý sharalary aıasynda áleýmettik jeliler jáne buqaralyq aqparat quraldary arqyly turǵyndar aqparattandyryldy.
Polısııa qyzmetkerleriniń kúshimen qaladaǵy kóp qabatty úıler shatyrlary, ójireleri jáne aýladaǵy lıýktar, saıajaılardaǵy tastandy úıler, qurylysy bitpegen ǵımarattar, jertóleler tekserilip, qalanyń barlyq aýmaǵynda joǵalǵan balanyń fotosýreti kórsetilip, surastyrý jumystary uıymdastyryldy.
Júrgizilgen jumystar nátıjesinde joǵalǵan kámeletke tolmaǵan balanyń Jalaǵash aýdanynda turatyn ata-ájesiniń úıine ketip qalǵany belgili boldy. Qazir ıývenaldy polısııa qyzmetkerleri jasóspirimniń úıden ketip qalý sebepterin anyqtaýda.
