Atap aıtqanda, sońǵy eki jylda memleket pen qurylys kompanııalary jasaǵan kelisimsharttardaǵy baǵany ózgertken abzal. Baspana qunynyń ósimi men onyń sebepterin taldaýǵa arnalǵan basqosýda Qazaqstannyń qurylysshylar assosıasııasynyń basshysy osyndaı usynys tastady. Mundaı usynys jasaýǵa naryqtaǵy qurylys materıaldarynyń qymbattaýy sebep bolǵan.
Vıktor Mıkrıýkovtyń aıtýynsha, maýsymnan bastap elordalyq kásiporynnyń biri temir beton ónimderin 10%, al beton qospasyn 30% ósirmek nıette. Onsyz da kórshiles Qytaı men О́zbekstandaǵy qarqyndy qurylys eksporttyq materıaldyń qunyn ósirgen edi. Sol sebepti burynǵy jobalyq baǵamen úı salý qurylysshylar úshin tıimsiz bolyp tur. Jaǵdaı osylaı jalǵasa berse, kóptegen qurylys toqtap qalý qaýpi bar.
Básekelestikti qorǵaý jáne damytý agenttiginiń málimeti boıynsha bıyl tórt aıdyń ózinde bastapqy baspana baǵasy 5,5% qymbattaǵan. Buǵan qurylys materıaldarynyń qymbattaýy birden-bir sebep.
