Áleýmettik jelilerde ushaq jolaýshysy men polıseıler arasyndaǵy janjal túsirilgen vıdeo talqylanyp jatyr. Kadrlardan birneshe quqyq qorǵaý organy qyzmetkerleri er adamdy ornynan kóterýge tyrysqany kórinedi. Basqa jolaýshylar bul ýaqytta oqıǵany telefonǵa túsirip, arasha túsýge tyrysady. Áıelderdiń biri polıseılerden jolaýshyǵa kúsh qoldanbaýdy suraǵany estiledi.
Jazba sıpattamasynda er adam júgin tirkemegendikten janjal shyqqany jazylǵan.
«Er adamǵa bola Almatydan Nur-Sultanǵa ushyp kete almaı otyrmyz. Rastalmaǵan málimet boıynsha, jolaýshy júgin tirkeýsiz áýe kemesiniń salonyna kirgizgen. Ol artyq tólem jasaǵysy kelmegen. Eki úlken sómkeni salonǵa kirgizýge tyrsyty. Keıin sýpervaızerdi ıterip jiberdi. Bárin ushaqtan túsirip, ıttermen tekserý jasady», delingen sıpattamada.
Oqıǵa 30 mamyrda FlyArystan ushaǵynda bolǵan.
«Janjal shyǵarǵan jolaýshyny ushaqtan shyǵarýǵa baılanysty reıstiń keshigýi boldy. Jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reıske jiberilmeıtini týraly eki ret eskertildi. О́ıtkeni tasymaldaý erejelerine sáıkes bortqa bir qol júgi bar jolaýshylar jiberiledi. Biraq jolaýshy avıakompanııa qyzmetkerleri talabyn oryndamady. Jolaýshy ashýyn kórsetip, qyzmetkerdi ıterip, bortqa kirdi.
Basqa jolaýshylarǵa qolaısyzdyq týǵyzǵany úshin ókinemiz. Alaıda avıakompanııa erejelerin saqtamaǵan jaǵdaıda biz avıasııalyq qaýipsizdik rásimderin ustanýǵa májbúrmiz. Jolaýshyny borttan shyǵarǵan kezde biz áýe kemesi men jolaýshylardy qaıta tekserýge májbúrmiz», dedi FlyArystan baspasóz qyzmeti ókili.
