Mundaı ózgeris prezıdent Sı Szınpın tóraǵa bolǵan Saıası bıýro otyrysynda maquldandy.
Qytaı bala týý saıasatyn odan ári ońtaılandyrý úshin otbasyda úshinshi balaǵa ruqsat berdi.
Bılik jańa sheshim halyqtyń tez qartaıý máselesin eskere otyryp, eldiń demografııasyn jaqsartýǵa yqpal etedi dep sanaıdy.
«Saıasattyń ózgerýi qoldaý sharalarymen birge júredi. Bul halyq qurylymyn jaqsartýǵa, qartaıǵan halyqqa belsendi qarsy turý strategııasyn oryndaýǵa jáne adam resýrstarynyń artyqshylyǵy men qaýipsizdigin saqtaýǵa yqpal etedi», deıdi Sı Szınpın saıası bıýro otyrysynda.
Aıta keteıik, Qytaıda 1979 jyldan 2015 jylǵa deıin «bir otbasy - bir bala» saıasaty qoldanylǵan. Keıin 2016 jyly el bıligi bul shekteýlerdi jeńildetýdi uıǵaryp, erli-zaıyptylarǵa eki balaly bolýǵa ruqsat bergen edi.
