Otandyq telearnalardyń birinde habarlanǵandaı, marqum bolǵan sarbazdyń biri Qostanaı oblysynan boryshyn óteýge kelgen. Qaıǵyly oqıǵa 31 mamyrda Shyǵys Qazaqstan oblysynyń 3477 áskerı bóliminde bolǵan. Bul osymen ekinshi sarbazdyń qaıtys bolýy.
Eske sala keteıik, dál osy ispettes jaǵdaı 20 mamyr kúni Jambyl oblysyndaǵy 82796 áskerı bóliminde bolǵan edi. Onda merzimdi qyzmetin atqaryp júrgen qyzmetker óz-ózine qol jumsaǵan bolatyn.
QR Ulttyq ulanynyń «Shyǵys» óńirlik qolbasshylyǵynyń baspasóz qyzmeti 29 mamyrda 3477 áskerı bóliminiń kelisimshart boıynsha qatardaǵy jaýynger Ilııas Muratuly Aıdosov bekette qyzmet atqara otyryp, bekitilgen qarýdan bas aımaǵyna oq atyp, nátıjesinde qaıtys bolǵanyn málimdeıdi.
Al «Astana» telearnasynyń dereginshe, marqum kelisimshart boıynsha egiz baýyrymen birge О́skemende qyzmet etken.
Áskerıdiń birneshe jyl buryn anasynan aıyrylǵany aıtyldy. Tergeý júrip jatqandyqtan, barlyq aqparat ázirge tolyq jarııalanbaıdy.
