«Máselen, jeke tulǵany sáıkestendirý jobasyna saı júıe saraptama jasap, talapkerlerdi kezdeısoq oryndar boıynsha ornalastyrady, ıaǵnı verıfıkasııaǵa deıin emtıhanda kimniń qaı jerde otyratyny beımálim. Onyń ústine jiti baqylaý prosedýrasy arqyly testileýdiń barynsha ashyq jáne ádil ótýi qamtamasyz etilgen. Osyndaı júıeni bıyl sáýir aıynda biz Almatynyń avtoHQKO-larynda engizdik. Pılottyq joba birden oń nátıje kórsetti – test tapsyrýǵa tilek bildirýshilerdiń sany eki esege kemip, al synaqtan úmitkerlerdiń tek 35,6 paıyzy ǵana ótken bolatyn. Buǵan deıin naýryz aıynda bul kórsetkish 44,2 paıyzdy quraǵan edi. Sondyqtan biz aldaǵy ýaqytta bul jobanyń aıasyn keńeıtip, eldiń kúlli aımaǵynda engizýdi josparlap otyrmyz», dedi mınıstr.
