Qazaqstan terrıtorııasynyń basym bóliginde atmosferalyq frontaldy bólikterdiń ótýimen qubylmaly aýa raıy saqtalady. Keı jerlerde naızaǵaımen jańbyr jaýady, burshaq jaýýy yqtımal, respýblıkanyń shyǵysynda túnde keı jerlerinde qatty jaýyn-shashyn jaýady (jańbyr qarǵa ulasady).
Respýblıkanyń keı jerlerinde jeldiń kúsheıýi, daýyl, shańdy daýyl, soltústik jáne shyǵysta tuman kútiledi.
Túnde Qyzylorda oblysynyń keı jerlerinde, kúndiz basym bóliginde jel 15-20 m/s, kýndiz ekpini 25 m/s kúsheıedi, keı jerlerde shańdy daýyl bolady.
Túrkistan oblysynyń keı jerlerinde daýyl, shańdy daýyl kútiledi, jel 15-20, kúndiz ekpini 23-28 m/s kúsheıedi.
Shyǵys Qazaqstan, Qaraǵandy, Pavlodar oblystarynyń keı jerlerinde daýyl kútilip, jel 15-20, kúndiz ekpini 23-28 m/s kúsheıedi, Shyǵys Qazaqstan oblysynda tuman bolady, Shyǵys Qazaqstan, Qaraǵandy oblystarynda burshaq jaýýy yqtımal.
Almaty oblysynda naızaǵaı kezinde jel 15-20, ekpini 23-28 m/s kúsheıedi, keı jerlerde burshaq jaýýy yqtımal.
Mańǵystaý oblysynyń keı jerlerde shańdy daýyl kútiledi, jel 15-20 m/s kúsheıedi, burshaq jaýýy yqtımal. Aqtóbe, Qostanaı, túnde Aqmola oblystarynda tuman kútiledi.
Kúndiz Qyzylorda, Jambyl, Almaty oblystarynyń basym bóliginde, Túrkistan oblysynyń keı jerlerinde qatty ystyq saqtalady.
Aqmola, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde, Shyǵys Qazaqstan oblysynyń soltústik shyǵysynda túnde 2 gradýs úsik kútiledi.
Qyzylorda, Jambyl, Aqtóbe, Qaraǵandy, Almaty, Atyraý oblystarynda, Shyǵys Qazaqstan, Túrkistan, Qostanaı, Pavlodar, Aqmola oblystarynyń keı jerlerinde óte joǵary órt qaýpi saqtalady.
